పక్షి రూపంలో ఓ వింత ఆకారం నగరంపై దాడి చేస్తోంది. ఆ పక్షి ఎవరో తెలుసా.? అక్షయ్‌కుమార్‌. 'రోబో 2.' చిత్రం ట్రైలర్‌లోని సంగతిది. లేటెస్ట్‌గా ట్రైలర్‌ వచ్చింది. ట్రైలర్‌లో విజువల్‌ ఎఫెక్ట్స్‌ చాలా బాగున్నాయి. అక్షయ్‌ కుమార్‌ని నెగిటివ్‌ రోల్‌లో అదీ ఓ భయంకరమైన పక్షి రూపంలో డిజైన్‌ చేసిన విధానం చాలా బాగుంది. హీరోయిన్‌ అమీ జాక్సన్‌ లేడీ రోబోగా కనిపించింది.
'రోబో' తొలి పార్ట్‌లో అందాల భామ ఐశ్వర్యారాయ్‌తో చిట్టి రోబోకి లవ్‌ ట్రాక్‌ చూపించారు. అలాగే ఈ పార్ట్‌లో కూడా చిట్టి రోబోకి అమీ జాక్సన్‌కి లవ్‌ ట్రాక్‌ ఉన్నట్లు ట్రైలర్‌లో చూపించారు. లైకా ప్రొడక్షన్స్‌ బ్యానర్‌లో ఈ సినిమా నిర్మితమవుతోన్న సంగతి తెలిసిందే. ట్రైలర్‌లో భారీ విజువల్స్‌కి భారీ స్థాయిలో ఖర్చు పెట్టారు. ఇండియన్‌ సిల్వర్‌ స్క్రీన్‌ మీద కనీ వినీ ఎరుగని రీతిలో ఇంకా విజువల్స్‌ని డిజైన్‌ చేశారు. ట్రైలర్‌లో జస్ట్‌ శాంపిల్‌కే చూపించారు.
ఇంకా సినిమాలో ఎక్స్‌పెక్ట్‌ చేయని, వావ్‌ అనిపించే విజువల్స్‌ చాలా ఉన్నాయట. ఇప్పటికే టీజర్‌తో రికార్డులు సృష్టించింది 'రోబో 2.0'. నెక్ట్స్‌ ట్రైలర్‌ వంతొచ్చింది. రికార్డులు కొల్లగొట్టడానికి ట్రైలర్‌ సిద్దంగా ఉంది. ఈ రోజు ట్రైలర్‌ని చెన్నైలో ఘనంగా విడుదల చేశారు. శంకర్‌ దర్శకత్వంలో తెరకెక్కిన ఈ చిత్రం త్వరలో విడుదల కానుంది.
ఎప్పుడెప్పుడా ఈ విజువల్‌ వండర్‌ని చూసేది అని అభిమానులు ఉత్కంఠగా ఎదురు చూస్తున్నారు. ఎన్నో వాయిదాల పర్వం తర్వాత ఎట్టకేలకు సినిమా నవంబర్‌ 26న ప్రేక్షకుల ముందుకు రానుంది. అంతదాకా ట్రైలర్‌తో అభిమానులు పండగ చేసుకోవాల్సిందే.
