స‌రైనోడులో ప్ర‌తినాయ‌కుడిగా క‌నిపించి అల‌రించాడు ఆది పినిశెట్టి. ఆ త‌ర‌వాత తెలుగులో త‌న‌కు మంచి అవ‌కాశాలే వ‌చ్చాయి. కానీ.. మ‌ళ్లీ మ‌ళ్లీ ప్ర‌తినాయ‌కుడిగా క‌నిపించే ఉద్దేశం లేక‌పోవ‌డంతో ఆ అవ‌కాశాల్ని సున్నితంగా తిర‌స్కరించాడు. మొన్నామ‌ధ్య రామ్ చ‌ర‌ణ్ - సుకుమార్ సినిమాలోనూ ఆదికి ఛాన్స్ వ‌చ్చింద‌ని చెప్పుకొన్నారు. కానీ... అదీ తుస్సుమంది. ఇప్పుడు ప‌వ‌న్ క‌ల్యాణ్ సినిమాలో ఆది న‌టిస్తున్నాడ‌న్న ప్రచారం జ‌రుగుతోంది. ప‌వ‌న్ - త్రివిక్రమ్ కాంబోలో ఓ చిత్రం రూపుదిద్దుకొంటున్న సంగ‌తి తెలిసిందే. హారిక హాసిని సంస్థ నిర్మిస్తోంది. ఏప్రిల్ 4న ఈ చిత్రం షూటింగ్ ప్రారంభం కానుంది. ఈ సినిమాలో ఆదికి ఓ కీల‌క పాత్ర ద‌క్కింద‌ని స‌మాచారం. క్యారెక్ట‌ర్ పాత్ర‌లెన్ని వ‌చ్చినా... నో చెప్పిన ఆది.. ప‌వ‌న్ సినిమా అనేస‌రికి.. ఎగిరి గంతేశాడ‌ట‌.పైగా ఈ  చిత్రానికి ద‌ర్శ‌కుడు త్రివిక్ర‌మ్ కావ‌డంతో ఆది పినిశెట్టి నో చెప్పే అవ‌కాశ‌మే రాలేదు. ఆది పాత్ర ఏంటి??  నెగిటివా, పాజిటీవా?  అనేది తెలియాలంటే ఇంకొన్ని రోజులు ఆగాల్సిందే.