యంగ్‌ హీరో ఆది సాయి కుమార్‌ నటిస్తున్న తాజా చిత్రం 'శశి' ఫస్ట్‌లుక్‌ రిలీజ్‌ చేశారు. ఈ రోజు ఆది పుట్టినరోజు సందర్భంగా ఈ సినిమా ఫస్ట్‌లుక్‌ రిలీజ్‌ చేశారు. ఫస్ట్‌లుక్‌లో రెండు వేరియేషన్స్‌ చూపించారు. చేతిలో మైకు పట్టుకుని కూల్‌గా కనిపిస్తున్న ఆది స్టిల్‌ ఒకటి బ్యాక్‌ గ్రౌండ్‌లో గుబురు గడ్డం, జుట్టుతో సింహంలా గర్జిస్తున్నట్లున్న ఆది మరో లుక్‌ ఇంట్రెస్టింగ్‌ అనిపిస్తోంది. శ్రీనివాస్‌ నాయుడు దర్శకత్వంలో ఈ సినిమా తెరకెక్కుతోంది. శ్రీ హనుమాన్‌ మూవీ మేకర్స్‌ పతాకంపై ఆర్‌. పి.వర్మ, రామాంజనేయులు, శ్రీనివాస్‌ చింతలపూడి ఈ చిత్రాన్ని నిర్మిస్తున్నారు.
ఎప్పుడో సెట్స్‌ మీదికెళ్లిన ఈ సినిమా ప్రస్తుతం చివరి షెడ్యూల్‌ షూటింగ్‌ జరుపుకుంటోంది. వచ్చే ఏడాది సమ్మర్‌లో రిలీజ్‌ చేయడానికి సన్నాహాలు చేస్తున్నారు. అందాల భామ సురభి ఈ సినిమాలో ఆదికి జోడీగా నటిస్తోంది. లవ్‌ అండ్‌ డిఫరెంట్‌ ఎంటర్‌టైనర్‌గా ఈ సినిమాని తెరకెక్కిస్తున్నారు. ఈ ఏడాది 'బుర్రకథ', 'ఆపరేషన్‌ గోల్డ్‌ ఫిష్‌' అంటూ రెండు డిఫరెంట్‌ వేరియేషన్స్‌ ఉన్న సినిమాల్లో కనిపించాడు ఆది. కానీ, ఆశించిన హిట్‌ దక్కించుకోలేకపోయాడు. మరి 'శశి'తోనైనా సక్సెస్‌ కొడతాడో లేదో చూడాలిక.
