ఆది హీరోగా ఓ సినిమా తెరకెక్కబోతోంది. ఈ సినిమా లాంఛనంగా ప్రారంభమయ్యింది. విశ్వనాథ్‌ అరిగెల ఈ చిత్రానికి దర్శత్వం వహిస్తున్నారు. యూఎస్‌ ప్రొడక్షన్స్‌ బ్యానర్‌పై చరణ్‌తేజ ఉప్పలపాటి, విజయ్‌ లక్ష్మి సంయుక్తంగా ఈ చిత్రాన్ని నిర్మిస్తున్నారు. రొమాంటిక్‌ ఎంటర్‌టైనర్‌గా ఈ చిత్రం రూపొందుతుందట. ఆది బాడీ లాంగ్వేజ్‌కి తగ్గట్టుగా కథ సిద్ధం చేశామని చిత్ర దర్శకుడు చెప్పాడు. ఆది నటన, డాన్సులు ఈ చిత్రానికి హైలైట్‌ అవుతాయని దర్శకుడు విశ్వనాథ్‌ అరిగెల అంటున్నాడు. ఆది మంచి డాన్సర్‌. ఈ విషయం అందరికీ తెలిసిందే. ఈ సినిమాలో ఆది డాన్సులు చాలా కొత్తగా ఉండబోతున్నాయట. చాక్లెట్‌ బోయ్‌లా ఆది తన నటనతో ప్రేక్షకులకు దగ్గరైనా కానీ, బంపర్‌ హిట్‌ ఆదికి దక్కడం లేదు. ఆది కెరీర్‌లో 'లవ్‌లీ' మంచి విజయాన్ని దక్కించుకోవగా, ఆ స్థాయి విజయం మరే సినిమాతోనే దక్కించుకోలేకపోయాడు ఆది. కానీ ఈ సినిమా ఆదికి మంచి విజయం తెచ్చిపెడుతుందని ఆశిస్తున్నారు. శ్రద్ధా శ్రీనాథ్‌ ఈ చిత్రంలో ఆది సరసన హీరోయిన్‌గా నటిస్తోంది. ప్రస్తుతం ఆది 'శమంతకమణి' సినిమాలో నటిస్తున్నాడు. ఇదో మల్టీ స్టారర్‌ మూవీ. సందీప్‌ కిషన్‌, సుదీర్‌బాబు, నారా రోహిత్‌ ఈ సినిమాలో కీలక పాత్రల్లో కనిపిస్తారు ఆదితోపాటుగా. శ్రీరామ్‌ ఆదిత్య ఈ చిత్రానికి దర్శత్వం వహిస్తున్నారు. ఇదో థ్రిల్లర్‌ మూవీ. డిఫరెంట్‌ కాన్సెప్ట్‌తో తెరకెక్కుతోంది. .