ఆమిర్ ఖాన్ దంగల్ చిత్రంతో కొత్త రికార్డులకు తెరలేపాడు. రిలీజ్ అయిన రోజు నుండి బ్లాక్బస్టర్ టాక్ సొంతం చేసుకున్న ఈ సినిమా కలెక్షన్స్ సునామి సృష్టిస్తుంది.

రిలీజ్ అయిన 29రోజుల్లో ఈ చిత్రం ఏకంగా రూ 376కోట్లు కొల్లగొట్టి కలెక్షన్ల చరిత్ర తిరగరాసింది. ఆమిర్ తన చిత్రం పీకే పేరున ఉన్న రూ 340 కోట్ల రికార్డు ని చెరిపేసింది. ఇక ప్రపంచ వ్యాప్తంగా చూస్తే దంగల్ రూ 721 కోట్లతో రెండో స్థానంలో కొనసాగుతుంది (మొదటి స్థానంలో ఆమిర్ నటించిన పీకే- రూ 792 కోట్లతో ఉండటం విశేషం).

ఇదిలాఉంటే దంగల్ చిత్రానికి ఫిలింఫేర్ ఉత్తమ చిత్రం, ఉత్తమ దర్శకుడు (నితేష్ తివారి) అలాగే ఆమిర్ ఖాన్ కి ఉత్తమ నటుడు పురస్కారాలు దక్కాయి.

ఏదేమైనా ఆమిర్ ఖాన్ చిత్రాలు ప్రజల్లో స్పూర్తి నింపడమే కాక ఇలా కమర్షియల్ గా సైతం సక్సెస్ అవ్వడం విశేషం.