'ఖండాంతరాలు దాటితే శాస్త్రాలు పలవురా..' అంటూ బ్రహ్మానందం పలికే డైలాగ్‌తో 'ఆచారి అమెరికా యాత్ర' ట్రైలర్‌ స్టార్ట్‌ అయ్యింది. మంచు విష్ణు హీరోగా నటిస్తున్నాడు. కామెడీ సినిమాలకు కేరాప్‌ అడ్రస్‌ అయిన జి. నాగేశ్వరరెడ్డి ఈ సినిమాని తెరకెక్కిస్తున్నారు. బ్రహ్మానందం కీలక పాత్ర పోషిస్తున్నారు. చాలా కాలం తర్వాత ఫుల్‌ లెంగ్త్‌ రోల్‌లో కామెడీ చేయనున్నారు ఈ సినిమాలో బ్రహ్మానందం. ట్రైలర్‌కి మంచి రెస్పాన్స్‌ వస్తోంది. 

కామెడీతో పాటు, మిగిలిన అన్ని కమర్షియల్‌ హంగుల్ని సమపాళ్లలో మిక్స్‌ చేసినట్లు అనిపిస్తోంది 'ఆచారి అమెరికా యాత్ర'. మంచు విష్ణు లాస్ట్‌ మూవీ 'లక్కున్నోడు'తో ఫర్వాలేదనిపించాడు. కానీ ఈ సారి 'ఆచారి అమెరికా యాత్ర'తో హిట్‌ కొట్టేలానే ఉన్నాడు. రిపబ్లిక్‌ డే సందర్భంగా ఈ సినిమా జనవరి 26న ప్రేక్షకుల ముందుకు వస్తోంది. ముద్దుగుమ్మ ప్రగ్యా జైశ్వాల్‌ ఈ సినిమాలో హీరోయిన్‌గా నటిస్తోంది. అమ్మడి గ్లామర్‌ సినిమాకి స్పెషల్‌ అట్రాక్షన్‌ కానుందట. 

ట్రైలర్‌లోనే ఈ ముద్దుగుమ్మ హాట్‌ హాట్‌ అందాలతో కనువిందు చేసేసింది. 'నక్షత్రం' సినిమాలో హాట్‌ హాట్‌గా కనిపిస్తూనే, సూపర్‌ గాళ్‌లా యాక్షన్‌ సీన్స్‌లో కూడా నటించేసింది. ఇక ఈ సినిమా విషయానికొస్తే, ప్రగ్యా జైశ్వాల్‌ గ్లామర్‌ విత్‌ పర్‌ఫామెన్స్‌తో సరికొత్తగా ఆకట్టుకోనుందట. రెండు రకాల వేరియేషన్స్‌లో మంచు విష్ణు కనిపిస్తున్నాడు. ఇటు బ్రాహ్మణ గెటప్‌లోనూ, అటు మోడ్రన్‌ లుక్‌తోనూ రెండు రకాల వేరియేషన్స్‌ చూపిస్తున్నాడు. ఈ సినిమాని ఎక్కువ భాగం అమెరికాలోనే షూటింగ్‌ చేశారు. 

ట్రైలర్‌లో చూపించిన అమెరికాల లొకేషన్లు, బ్రహ్మానందం కామెడీ, విష్ణు యాక్షన్‌ సీక్వెన్సెస్‌, హీరోయిన్‌ గ్లామర్‌ చూస్తుంటే, సినిమాకి విజయం కట్టబెట్టేలానే ఉన్నాయి.