అభిమానులు ఎదురుచూసిన మెగా మూమెంట్ వచ్చేసింది. మెగాస్టార్ చిరంజీవి ‘ఆచార్య’ టీజర్ బయటికి వచ్చింది. ‘ఇతరుల కోసం జీవించే వారు దైవంతో సమానం. అలాంటి వారి జీవితాలే ప్రమాదంలో పడితే.. ఆ దైవమే వచ్చి కాపాడాల్సిన పనిలేదు’ అంటూ రామ్‌చరణ్‌ వాయిస్‌తో ప్రారంభమైన టీజర్ సాలిడ్ గా సాగింది. టీజర్ మొత్తంలో యాక్షన్ హైలెట్ గా కనిపించింది. మెగా స్టార్ ఎంట్రీ, ఎలివేషన్ నెక్స్ట్ లెవల్ వున్నాయి.
‘పాఠాలు చెప్పే అలవాటు లేకపోయినా అందరూ ఎందుకు ఆచార్య అంటుంటారు. బహుశా గుణపాఠాలు చెబుతాననేమో’ అంటూ చివరిలో చిరు చెప్పిన డైలాగ్ తర్వాత చేసిన ఫైట్ .. అదిరిపోయాయి. మణిశర్మ ఆర్ఆర్ సుపర్బ్. మొత్తమ్మీద ఆచార్య టీజర్ మెగా అభిమానులు అంచనాలని అందుకుందనే చెప్పాలి. మ్యాట్నీ ఎంటర్‌టైన్‌మెంట్‌, కొణిదెల ప్రొడక్షన్‌ కంపెనీ పతాకంపై నిరంజన్‌రెడ్డి, రామ్‌చరణ్‌లు సంయుక్తంగా నిర్మిస్తున్న సినిమా ఇది. వేసవిలో ప్రేక్షకుల ముందుకు రానుంది.
