కిక్, రేసుగుర్రం లాంటి సినిమాల‌తో ఆక‌ట్టుకున్నాడు శ్యామ్. అప్ప‌టి నుంచి కిక్ శ్యామ్ గా గుర్తింపు తెచ్చుకున్నాడు. ఇప్పుడు ఓ కేసులో చెన్నై పోలీసులు అరెస్టు చేశారు. చెన్నైలో శ్యామ్ కి ఓ పేకాట క్ల‌బ్ ఉంది. కొన్ని నిబంధ‌న‌ల్ని అతిక్ర‌మించి ఈ క్ల‌బ్ నిర్వ‌హిస్తున్నార‌ని అనుమానం రావ‌డంతో పోలీసులు ఈ క్ల‌బ్ పై దాడి చేశారు.
త‌మకు వ‌చ్చిన ఫిర్యాదులు నిజ‌మే అని తేల‌డంతో.. నిర్వాహ‌కుడైన శ్యామ్ ని అరెస్ట్ చేసి రిమాండ్‌కి త‌ర‌లించారు. క్ల‌బ్ శ్యామ్ పేరున ఉన్నా, నిర్వ‌హ‌ణ బాధ్య‌త‌ని శ్యామ్ త‌న సన్నిహితుల‌కు, స్నేహితుల‌కు అప్ప‌గించాడు. మ‌రి.. క్ల‌బ్ లో నిబంధ‌న‌ల్ని ఉల్లంఘిస్తున్నార‌న్న విష‌యం శ్యామ్ కి తెలుసా? త‌న‌కి తెలియ‌కుండానే ఇదంతా జ‌రుగుతుందా అనేది తేలాల్సివుంది.
