బిగ్ బాస్ 4 ఆగ‌స్టులో ప్రారంభం కానుంది. ఈలోగా.. అన్ని ఏర్పాట్లూ చ‌క చ‌క జ‌రిగిపోతున్నాయి. అన్న‌పూర్ణ స్టూడియోలో ఓ భారీ సెట్ నిర్మాణం కూడా పూర్త‌య్యింది. ఈలోగా సెల‌బ్రెటీల లిస్టు కూడా బ‌య‌ట‌కు వ‌చ్చేసింది. తరుణ్, శ్రద్ధాదాస్, ఝాన్సీ, రష్మీ గౌతమ్, వర్షిణి హైపర్ ఆది, స్టార్ సింగర్స్ సునీత, మంగ్లీ, హీరో నందు, తాగుబోతు రమేష్, వైవా హర్ష, అఖిల్ సార్ధక్ పేర్లు గ‌ట్టిగా వినిపిస్తున్నాయి.
అయితే ఈ షోలో తాను పాల్గొన‌డం లేద‌ని తరుణ్ క్లారిటీ ఇచ్చాడు. బిగ్ బాస్ షో ప‌ట్ల త‌న‌కెలాంటి ఆస‌క్తీ లేద‌ని, తాను బిగ్ బాస్ కొత్త సీజ‌న్లో క‌నిపించ‌నున్న వార్త‌ల్లో నిజం లేద‌ని చెప్పేశాడు. త‌న‌కు అలాంటి ఆఫ‌ర్లేమీ రాలేద‌ని, వ‌చ్చినా చేయడానికి సిద్ధంగా లేన‌ని వెల్ల‌డించాడు. చాలామంది సెల‌బ్రెటీలు ఇప్పుడు ఇల్లు దాటి బ‌య‌ట‌కు రావ‌డానికి ఇష్ట‌ప‌డ‌డం లేదు. అలాంటిది ఓ చోట.. రెండు నెల‌ల పాటు ఉండ‌డం అంటే క‌ష్ట‌మే. అందుకే సెల‌బ్రెటీలు పెద్ద‌గా ఆస‌క్తి చూపించ‌డం లేదు. మ‌రి ఈ లిస్టులో ఉన్న మిగిలిన‌వాళ్లేమంటారో? వాళ్ల ఎంట్రీ అయినా ఖాయ‌మో కాదో తెలియాలంటే ఇంకొన్ని రోజులు ఆగాలి.
