తెలుగులోనే అతి పెద్ద రియాలిటీ షో.. బిగ్ బాస్. ఇప్ప‌టి వ‌ర‌కూ వ‌చ్చిన మూడు సీజ‌న్లూ సూప‌ర్ హిట్ల‌య్యాయి. ఇప్పుడు నాలుగో సీజ‌న్ మొద‌లైపోతోంది. నిజానికి ఈ సీజ‌న్ ఎప్పుడో మొద‌లు కావాల్సింది. కానీ... క‌రోనా కార‌ణంగా వాయిదా ప‌డుతూ వ‌చ్చింది. ఎట్ట‌కేల‌కు ఇప్పుడు బిగ్ బాస్ 4 ప‌ట్టాలెక్క‌బోతోంది. ఆగ‌స్టులో కొత్త సీజ‌న్ ప్రారంభం కానుంది. ఆగ‌స్టు మొద‌టి వారం నుంచి ప్రోమోలు మొద‌లైపోతాయి. బిగ్ బాస్ సీజ‌న్ మొద‌ల‌య్యే ప్ర‌తీసారీ... ఓ భారీ ప్రెస్ మీట్ పెట్టి, మీడియాని ఆహ్వానించ‌డం అల‌వాటు. కానీ ఈసారి.. అలా ఏం లేదు. సింపుల్ గా లాంచ్ చేద్దామ‌నుకుంటున్నారు.

సెల‌బ్రెటీల లిస్టు దాదాపుగా ఖాయ‌మైపోయింది. వాళ్లంద‌రినీ ఒకేసారి ప‌రిచ‌యం చేయ‌బోతున్నారు. ఈసారి షో 50 రోజుల‌కే ప‌రిమితం అని తెలుస్తోంది. రెమ్యున‌రేష‌న్ల‌లోనూ భారీ కోత ఉంద‌ట‌. ఇది వ‌ర‌కు రోజుకి ఇంత అని ఇచ్చేవారు. ఇప్పుడు అందులో స‌గం మాత్ర‌మే ముట్ట‌జెబుతున్నార‌ని తెలుస్తోంది. స్పాన్స‌ర్లు పెద్ద‌గా ఆస‌క్తి చూపించ‌డం లేద‌ని, వచ్చినా ఇది వ‌ర‌క‌టిలా భారీ మొత్తాలు వెచ్చించ‌డానికి ఇష్ట‌ప‌డ‌డం లేద‌ని స‌మాచారం. దాంతో.. బ‌డ్జెట్ త‌గ్గింది. ఈ సీజ‌న్‌కి నాగార్జున హోస్ట్ గా వ్య‌వ‌హ‌రించ‌బోతున్న సంగ‌తి తెలిసిందే.