`వేదం` సినిమాతో గుర్తింపు తెచ్చుకున్న‌నాగ‌య్య క‌న్నుమూశారు. ఈ రోజు ఉద‌యం ఆయన తుది శ్వాస విడిచారు.క్రిష్ ద‌ర్శ‌క‌త్వం వ‌హించిన `వేదం`తో న‌టుడిగా అరంగేట్రం చేశారు నాగ‌య్య. అప్ప‌టి నుంచీ ఆయన వేదం నాగ‌య్య‌గా పాపుల‌ర్ అయ్యారు. దాదాపు 30కి పైగా సినిమాల‌లో న‌టించిన నాగ‌య్యది గుంటూరు జిల్లా, న‌ర్స‌రావు పేట స‌మీపంలోని దేస‌వ‌రం పేట. నాగ‌వ‌ల్లి, ఒక్క‌డినే, స్టూడెంట్ సార్, ఏ మాయ చేశావే, రామయ్య వ‌స్తావ‌య్యా, స్పైడ‌ర్, విరంజి... ఇలా కొన్ని చిత్రాల‌లో న‌టించారు.
ఇటీవ‌ల ఆయన భార్య అనారోగ్యంతో క‌న్నుమూశారు. అప్ప‌టి నుంచీ.. నాగ‌య్య ఆరోగ్యం క్షీణించింది. కొంత‌కాలంగా ఆయన అనారోగ్యంతో బాధ ప‌డుతూ వ‌చ్చారు. ఆయన ఆర్థిక ప‌రిస్థితి కూడా అంతంత మాత్రంగా ఉండ‌డం వ‌ల్ల.. `మా` ఆయ‌న‌కు స‌హాయ స‌హ‌కారాలు అందించింది. అయితే.. ఈ రోజు ఉద‌యం ఆయన ప‌రిస్థితి విష‌మంగా మార‌డంతో తుది శ్వాస విడిచారు.
