బిగ్ బాస్ 4కి త్వ‌ర‌లోనే తెర తీయ‌బోతోంది `మా టీవీ`. ఇప్ప‌టికే సెల‌బ్రెటీలు ఎవ‌ర‌న్న విష‌యంలో ఓ క్లారిటీ వ‌చ్చేసింది. ఈసారి బిగ్ బాస్ నిండా... గ్లామ‌ర్ భామ‌లు త‌ళుకులీనబోతున్నారు. వీళ్ల స‌ర‌స‌న మ‌రో హీరోయిన్ చేరే ఛాన్సుంది. త‌నే మోనాల్ గ‌జ్జ‌ర్‌. సుడిగాడు, బ్ర‌ద‌ర్ ఆఫ్ బొమ్మాళీ త‌దిత‌ర తెలుగు సినిమాల‌తో ఆక‌ట్టుకుంది మోనాల్‌. అందం ఉన్నా, అదృష్టం క‌ల‌సి రాక‌పోవ‌డంతో తెలుగులో అట్టే అవ‌కాశాల్ని సంపాదించ‌లేక‌పోయింది.

అయితే.. గుజారాతీ, త‌మిళ సినిమాల్లో మాత్రం అప్పుడ‌ప్పుడూ మెరుస్తూ ఉంది. ఈ భామ‌కు ఇప్పుడు బిగ్ బాస్ షోలో ఛాన్సొచ్చిన‌ట్టు తెలుస్తోంది. బిగ్ బాస్ లో మోనాల్ క‌నిపించ‌డం ఖాయ‌మ‌ని ఇన్ సైడ్ వ‌ర్గాల టాక్‌. ఇప్ప‌టికే శ్ర‌ద్దాదాస్‌, ర‌ష్మి, వ‌ర్షిణి, సునీత‌ల‌తో.. ఈ షోలో గ్లామ‌ర్ భామ‌ల హావా ఎక్కువ‌గా క‌నిపిస్తోంది. ఇప్పుడు మోనాల్ తోడైంది.