సోషల్‌ మీడియాలో ఆదాశర్మ పిచ్చ యాక్టివ్‌గా ఉంటుందన్న సంగతి తెలిసిందే. స్కిన్‌ షో చేయడం, అప్పుడప్పుడూ యోగాసనాలు వేయడం ఎక్స్‌ట్రా.. ఎక్స్‌ట్రా భంగిమలతో ఎప్పటికప్పుడే ఫ్యాన్స్‌ని కిర్రాకెత్తిస్తుంటుంది ఆదాశర్మ. స్కిన్‌ షోలే కాదు, స్టైలింగ్‌లోనూ ఆదాది అందె వేసిన చేయి. ఓ మాటలో చెప్పాలంటే ఆ విషయంలో ఆదా రూటే సెపరేటు అనాలేమో. ఇక హెయిర్‌ స్టైల్స్‌ సంగతి చెప్పనే అక్కర్లేదు. నల్లని కురులను రకరకాల రంగులేసి హెయిర్‌ స్టైల్స్‌లో యూత్‌ ఐకాన్‌ అనిపించుకుంటోంది.

అలాంటి ఆదాశర్మ తాజాగా ఓ హెయిర్‌ స్టైల్‌ ట్రై చేసింది. ఇది కేవలం ఫోటో సెషన్‌ కోసమయితే కాదులెండి. ఆదాశర్మ సినిమాలతో పాటు, కొన్ని వెబ్‌ సిరీస్‌లోనూ నటిస్తోంది. అలా ఈ భామ నటిస్తున్న 'ది హాలీడే' వెబ్‌ సిరీస్‌ కోసం కొత్త హెయిర్‌ స్టైల్‌ ట్రై చేసింది. పర్పల్‌, పింక్‌, ఆరెంజ్‌.. ఇలా మూడు రంగుల్లో తన జుట్టును ముస్తాబు చేసింది. స్టైల్‌ అన్నాక అందరూ ఫాలో అవ్వాలి కదా. కానీ, తన ఈ స్టైల్‌ని మాత్రం ఎవ్వరూ ఫాలో అవ్వడానికి వీల్లేదంటోంది ఆదాశర్మ.

అలా ఎలా అంటారా.? అవునంట ఈ హెయిర్‌ స్టైల్‌పై కాపీరైట్స్‌ తనవే అంటోంది. అలా కాదని ట్రై చేస్తే భారీ మూల్యం చెల్లించాలంటూ హెచ్చరిస్తోందండీ బాబూ. ఏది ఏమైతేనేం ఆదా చేస్తున్న ఈ హడావిడి ఆ 'ది హాలీడే' వెబ్‌ సిరీస్‌కి ఫ్రీ పబ్లిసిటీ తెచ్చిపెట్టిందనాలేమో. మరోవైపు ఆదాశర్మ తెలుగులో నటిస్తున్న 'కల్కి' ఈ నెల 28న ప్రేక్షకుల ముందుకు రానుంది. విలక్షణ చిత్రం 'మేన్‌ టు మేన్‌'లో ఆదాశర్మ ప్రధాన పాత్ర పోషిస్తోంది.