ఈ సారి పక్కా కాన్ఫిడెన్స్‌తో తమిళ 'అర్జున్‌రెడ్డి'.!

By iQlikMovies - June 17, 2019 - 10:00 AM IST

మరిన్ని వార్తలు

తెలుగులో 'అర్జున్‌రెడ్డి' చేసిన హంగామా అంతా ఇంతా కాదు. ఆ ఎఫెక్ట్‌తో ఈ సినిమాని హిందీ, తమిళ భాషల్లోనూ రూపొందించే ప్రయత్నాలు జోరందుకున్నాయి. ఆ క్రమలో హిందీ అర్జున్‌రెడ్డి 'కబీర్‌సింగ్‌' చిత్రీకరణ పూర్తి చేసుకుని రిలీజ్‌కి సిద్ధమైన సంగతి తెలిసిందే. ఈ సినిమాలో షాహిద్‌కపూర్‌, కియారా అద్వానీ హీరో, హీరోయిన్లుగా నటిస్తున్నారు. ఒరిజినల్‌ డైరెక్టర్‌ ఈ సినిమాతో బాలీవుడ్‌కి పరిచయమవుతున్నాడు. ఎలాంటి అడ్డంకులు, చిక్కులూ లేకుండా, హిందీ అర్జున్‌రెడ్డి నిర్మాణం పూర్తి చేసుకుని రిలీజ్‌కి రెడీ అయిపోయింది. కానీ, తమిళ అర్జున్‌రెడ్డి మాత్రం పురిటి నొప్పులే అనుభవించింది.

 

సీనియర్‌ డైరెక్టర్‌ బాలా దర్శకత్వంలో తెరకెక్కిన ఈ సినిమా చివరి దశకు చేరుకున్న తరుణంలో అవుట్‌ పుట్‌ నచ్చలేదని డైరెక్టర్‌ చేయి మారి, మళ్లీ మొదటి నుండీ షూటింగ్‌ జరుపుకుంది. కొత్త దర్శకుడు గిరిశయ్య ఈ చిత్రంతో డైరెక్టర్‌గా పరిచయమవుతున్నాడు. తమిళ అగ్రహీరో విక్రమ్‌ పుత్రరత్నం ధృవ్‌ హీరోగా పరిచయమవుతున్నాడు. 'ఆదిత్య వర్మ' టైటిల్‌తో ఈ సినిమా రూపొందుతోంది. బనితా సందు హీరోయిన్‌గా పరిచయమవుతోంది. అవుట్‌ పుట్‌ ఈ సారి చాలా చాలా బాగా వచ్చిందట. చిత్రయూనిట్‌ పక్కా కాన్ఫిడెంట్‌గా ఉందంటున్నారు. దాంతో ఇక సినిమాని ప్రేక్షకుల ముందుకు తీసుకురావాలని భావిస్తున్నారట. అలా ఎట్టకేలకు అన్ని కష్టాలు ఓర్చి 'ఆదిత్య వర్మ' విడుదలకు సిద్ధమైంది. ఇన్ని కష్ట నష్టాలను భరించిన ఈ సినిమా, ప్రేక్షకుల ఆదరణ పొందుతుందా.? లేదా.? తెలియాలంటే ఇంకొద్ది సమయం వెయిట్‌ చేయాలి. త్వరలోనే విడుదల చేస్తామని ప్రకటించారు కానీ ఇంకా డేట్‌ కన్‌ఫామ్‌ చేసుకోలేదు 'ఆదిత్య వర్మ'.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS