బాల‌య్య అభిమానులు ఎప్ప‌టి నుంచో ఎదురుచూస్తున్న చిత్రం 'ఆదిత్య 999'. సింగీతం శ్రీ‌నివాస‌రావు ద‌ర్శ‌క‌త్వం వ‌హించిన 'ఆదిత్య 369'కి ఎంతోమంది అభిమానులున్నారు. వాళ్లు కూడా ఈ చిత్రానికి సీక్వెల్ కోసం ఎదురుచూస్తున్నారు. బాల‌కృష్ణ కూడా ఈ సినిమాకి సీక్వెల్ ఉంటుంద‌ని చెబుతూనే వ‌చ్చారు. బాల‌య్య వందో సినిమాగా 'ఆదిత్య 999' ఉంటుంద‌ని భావించారు. కానీ అది ప‌క్క‌కు వెళ్లిపోయింది. ఆ తర‌వాత ఆ ప్రాజెక్టు పై అంతా ఆశ‌లు వ‌దులుకున్నారు. అయితే ఈసారి 'ఆదిత్య 999' త‌ప్ప‌కుండా వ‌చ్చే అవ‌కాశాలున్నాయి.

ఈ సినిమా స్క్రిప్టుపై బాల‌కృష్ణ సీరియ‌స్‌గా దృష్టి సారించిన‌ట్టు తెలుస్తోంది. 2020లో ఈ ప్రాజెక్టు కార్య‌రూపం దాలుస్తుంద‌ని స‌మాచారం. ఈ సినిమాకి బాల‌య్య‌నే స్వ‌యంగా ద‌ర్శ‌క‌త్వం వ‌హించే అవ‌కాశాలున్నాయ‌ని తెలుస్తోంది. ఎన్టీఆర్ బ‌యోపిక్ కి బాల‌య్య ద‌ర్శ‌క‌త్వం వ‌హిస్తార‌ని అనుకున్నారు.కానీ క్రిష్ చేతికి వెళ్లింది. ఈసారి ఏం జ‌రుగుతుందో చూడాలి. ఆదిత్య 999 క‌థ‌కు మ‌ళ్లీ జీవం రావ‌డం నిజంగా అభిమానుల‌కు శుభ‌వార్తే.