బాలీవుడ్ ని క‌రోనా కంగారు పెడుతోంది. ఇప్ప‌టికే అమితాబ్ బ‌చ్చ‌న్‌, అభిషేక్ బ‌చ్చ‌న్ ల‌కు క‌రోనా సోక‌డం బాలీవుడ్ లో క‌ల‌క‌లం రేపింది. ఇప్పుడు ఇప్పుడు ఐశ్వ‌ర్య‌రాయ్‌కి కూడా క‌రోనా సోకింది. కూతురు ఆరాధ్య‌కి కూడా క‌రోనా పాజిటీవ్ గా నిర్దార‌ణ అయ్యింది. అమితాబ్, అభిషేక్‌ల‌కు క‌రోనా సోక‌డంతో.. వాళ్ల‌ని నానావ‌తి ఆసుప‌త్రిలో చేర్పించి, చికిత్స చేయిస్తున్నారు.

ప్రస్తుతం వాళ్ల ఆరోగ్యం నిల‌క‌డ‌గా ఉంద‌ని వైద్యులు తెలిపారు. ఈలోగా ఐశ్వ‌ర్య‌, ఆరాధ్య‌ల‌కు కూడా క‌రోనా పాజిటీవ్ అని తేలింది. బిగ్ బీ, అభిషేక్‌ల‌కు క‌రోనా సోక‌డంతో వాళ్ల‌ ఇంట్లో వాళ్ల‌కు కూడా క‌రోనా ప‌రీక్ష‌లు చేయించారు. జ‌యా బ‌చ్చ‌న్‌కి నెగిటీవ్ గా తేలింది. మిగిలిన వాళ్ల ప‌రీక్షా ఫ‌లితాలు రావాల్సివుంది. ప్ర‌స్తుతం ఐశ్వ‌ర్య‌ని సైతం నానా వ‌తీ ఆసుప‌త్రికి త‌ర‌లించే ఏర్పాట్లు జ‌రుగుతున్నాయి.