త‌మిళ స్టార్‌... ధనుష్ ఈమ‌ధ్య టాలీవుడ్ పై గ‌ట్టిగా దృష్టి పెట్టిన సంగ‌తి తెలిసిందే. శేఖ‌ర్ క‌మ్ముల ద‌ర్శ‌క‌త్వంలో ఓ సినిమా చేయ‌డానికి ధనుష్ అంగీకారం తెలిపాడు. దీనికి సంబంధించిన అధికారిక ప్ర‌క‌ట‌న కూడా వ‌చ్చేసింది. దాంతో పాటు సితార ఎంట‌ర్‌టైన్‌మెంట్స్ లో ధనుష్ ఓ సినిమా చేయ‌డానికి రెడీ అయ్యాడు. వెంకీ అట్లూరి ద‌ర్శ‌క‌త్వం వ‌హిస్తారు. ఈలోగా ధనుష్ మ‌రో సినిమా కూడా ఒప్పేసుకున్నాడు.
టాలీవుడ్ లో అగ్ర నిర్మాణ సంస్థ అయిన.. మైత్రీ మూవీస్ ధనుష్ తో ఓ సినిమా చేయ‌డానికి రెడీ అవుతోంది. దీనికి అజ‌య్ భూప‌తి ద‌ర్శ‌క‌త్వం వ‌హించే అవ‌కాశాలు ఉన్నాయి. ఆర్‌.ఎక్స్ 100తో ఆక‌ట్టుకున్నాడు అజ‌య్ భూప‌తి. ఇప్పుడు శ‌ర్వానంద్ తో `మ‌హా సముద్రం` తెర‌కెక్కిస్తున్నాడు. ఈ సినిమా విడుద‌ల‌కు సిద్ధంగా ఉంది. ఈలోగా... ధనుష్ కోసం క‌థ రెడీ చేశాడ‌ట. మ‌హా సముద్రం గ‌నుక హిట్ట‌యితే.. ధనుష్ తో సినిమా ప‌క్కా అయిన‌ట్టే
