ఈ మధ్య కాలంలో తెలుగు ఫిలిం ఇండస్ట్రీ పై కామెంట్స్ చేసే వారి సంఖ్య రోజురోజుకి పెరుగుతుంది. ప్రస్తుతం నడుస్తున్న ట్రెండ్ ప్రకారం ఒకసారి గమనిస్తే నటులే ఇండస్ట్రీ పై కామెంట్ చేయడం పరిపాటి అయింది.
ఇక వివరాల్లోకి వెళితే, ప్రస్థానం మూవీ ఫేం అజయ్ గోష్ ఒక కార్యక్రమంలో మాట్లాడుతూ- తెలుగు పరిశ్రమతో పోలిస్తే తమిళ పరిశ్రమ ఎంతో ఉన్నతమైంది అని అలాగే తెలుగు పరిశ్రమలో కెమెరా ముందు మాత్రమే కాకుండా వెనుక కూడా నటించాల్సి ఉంటుంది అని సంచలన కామెంట్స్ చేశాడు.
ఆ పై తన విమర్శలు తెలుగు మీడియా పై కూడా సందించాడు. తను నటించిన తమిళ సినిమా విసరనాయ్ ఆస్కార్ కి నామినేట్ అయిన సందర్భంలో కూడా తెలుగు మీడియా తనని పట్టించుకోలేదు అని వాపోయాడు.
తమిళ పరిశ్రమనే కాకుండా తమిళ ప్రజలు కూడా చైతన్యం కలిగినవారు అని తమిళనాడు పై తనకి ఉన్న ప్రేమను కురిపించాడు.
మరి అజయ్ చేసిన కామెంట్స్ లో నిజం ఉందా లేక అతనికి ఎదురైనా చేదు సంఘటనల కారణంగా ఇలా మాట్లాడిండా అనేది ఆయనకే తెలియాలి.
