అఖిల్ కి తన మొదటి చిత్రం ఒక చేదు జ్ఞాపకంగా మిగిలిపోయింది అనే చెప్పాలి.
ఇక తన రెండవ చిత్రంతో ఎలా అయిన తన సత్తా ఏంటో నిరూపించుకోవాలి అన్న పట్టుదలతో ‘హలో’ చిత్రం చేశాడు. ఈ చిత్రానికి సంబందించిన ట్రైలర్ ఈ మధ్యనే విడుదలై అందరి దృష్టిని తనవైపుకి తిప్పుకోగలిగింది.
ఇదిలావుండగా హలో చిత్రం ఆడియో విడుదల సందర్భంగా ఈ నెల 10వ తేదీన వైజాగ్ లో జరపనున్నట్టు నాగార్జున తెలిపాడు. ఈ ఆడియో విడుదల వేదిక పైన అఖిల్ ఈ చిత్రం కోసం పాడిన పాటను మరోసారి పాడబోతున్నట్టు సమాచారం. అలాగే ఒక పాటకి డాన్స్ కూడా వేయనున్నాడట.
మొత్తానికి ఈ చిత్రాన్ని ఎలాగైనా ప్రేక్షకుల వద్దకి తీసుకెళ్ళడానికి నాగ్ & కో చాలా ప్రయత్నాలే చేస్తున్నారు.
