మనం చిత్రానికి ఆంధ్రప్రదేశ్ ప్రభుత్వం ప్రకటించిన నంది అవార్డులలో అన్యాయం జరిగిందంటూ ఒక పెద్ద చర్చనే నడిచింది. దీని పైన డిబేట్స్ కూడా జరగడం మనం చూశాం..
ఇక ఇదే అంశం పైన మొదటిసారిగా నాగార్జున స్పందించాడు. అఖిల్ హలో చిత్రానికి సంబందించిన ప్రెస్ మీట్ లో విలేకరులు ఈ అంశాన్ని ప్రస్తావించగా- మనం చిత్రాన్ని ప్రేక్షకులు తమ గుండెల్లో పెట్టుకున్నారు, అదే మాకు పెద్ద అవార్డు. మాకు ఇంకా వేరే అవార్డ్స్ అక్కర్లేదు అని స్పష్టం చేశాడు.
దీనితో నంది అవార్డ్స్ కమిటి కి నాగ్ గట్టి పంచ్ ఇచ్చాడు అని అభిప్రాయం వ్యక్తమవుతున్నది. మొన్న విడుదలైన హలో చిత్రం ట్రైలర్ లో సైతం ఇదే అర్ధం వచ్చేలా ఒక కామెంట్ పెట్టడం పెద్ద దుమారాన్నే రేపింది.
ఇక ఈ ఘాటు సమాధానంతో ఇప్పుడు మళ్ళీ ఈ కాంట్రవర్సీ తెరపైకి వచ్చినట్టయింది. ఇక ఇండస్ట్రీలో ప్రముఖులు నాగ్ కామెంట్ పైన ఎలా స్పందిస్తారో అన్నది చూడాలి.
