సినీ రంగంలో నీలి కళ్లు, తేనె కళ్లు, పిల్లి కళ్ల సుందరాంగులు చాలా అరుదుగా కనిపిస్తూ ఉంటారు. ఆ ముద్దుగుమ్మలకు ఆ తరహా కళ్లే ఓ స్పెషల్‌ అట్రాక్షన్‌. అలా ఇప్పుడు తన తేనె కళ్లతో ఆకట్టుకుంటోన్న ముద్దుగుమ్మ అక్షర హాసన్‌. విశ్వనటుడు కమల్‌ హాసన్‌ రెండో తనయ, ముద్దుగుమ్మ శృతిహాసన్‌కి చెల్లెలు అయిన అక్షర హాసన్‌ నటిస్తోన్న చిత్రం 'లాలీకి షాదీమే లడ్డూ దివానా'. ఈ సినిమా ట్రైలర్‌ విడుదలైంది. ట్రైలర్‌లో అక్షర హాసన్‌ తన క్యూట్‌ అందంతో ఆకట్టుకుంటోంది. ఆ తేనె కళ్లతో మరింత ఎట్రాక్ట్‌ చేసేస్తోంది ఈ ముద్దుగుమ్మ. డిఫరెంట్‌ కాన్సెప్ట్‌తో తెరకెకెక్కుతోంది ఈ సినిమా. గతంలో వచ్చిన పెళ్లికూతురు పోస్టర్‌తోనే బోలెడంత ఇంట్రెస్ట్‌ క్రియేట్‌ చేసింది. గర్భవతి పెళ్లికూతురుగా ఆ పోస్టర్‌ వైరల్‌ అయ్యింది. ఇప్పుడు ఈ ట్రైలర్‌ అంతటికీ ఈ ముద్దుగుమ్మే స్పెషల్‌ అట్రాక్షన్‌గా మారింది. కూల్‌ రొమాంటిక్‌ అండ్‌ ఫ్యామిలీ ఎంటర్‌టైనర్‌గా తెరకెక్కుతోంది ఈ చిత్రం. అక్క శృతిహాసన్‌ తెలుగులోనూ, తమిళంలోనూ, హిందీలోనూ కూడా వరుస ఆఫర్స్‌తో దూసుకెళ్లిపోతోంది. తెలుగులో స్టార్‌ హీరోయిన్‌గా పేరు తెచ్చుకుంది. ఇక అక్షర మాత్రం ఇంతవరకూ బాలీవుడ్‌కే పరిమితమైంది. అయితే ఇకపై ఈ ముద్దుగుమ్మ కూడా తెలుగులో తెరంగేట్రం చేయడానికి రెడీ అవుతోందట. మరచి అవకాశం వస్తే అక్కలాగే తెలుగు సినిమాల్లో కూడా తన టాలెంట్‌ చూపిస్తానంటోంది. తన గ్లామర్‌తో తెలుగు ప్రేక్షకుల గుండెల్లో కూడా స్థానం సంపాదిస్తానంటూ క్యూట్‌ క్యూట్‌గా చెప్పేస్తోంది అక్షర హాసన్‌.