కమల్‌ హాసన్‌ రెండో తనయ అక్షర హాసన్‌ తెలుసు కదా. ఈ ముద్దుగుమ్మ తాజా చిత్రం 'లాలి కి షాదీ మే లడ్డూ దీవానా'. ఇదో రొమాంటిక్‌ ఎంటర్‌టైనర్‌ అట. వివాన్‌ షా హీరోగా నటిస్తున్నాడు. పెళ్ళి కూతురి గెటప్‌లో అక్షర హాసన్‌ ఉన్న ఫొటోతో కూడిన పోస్టర్‌ సెన్సేషన్‌ అయ్యింది. ఈ ఫొటోలో అక్షర హాసన్‌ చేతిలో చింతకాయ ఉంది. ప్రెగ్నెంట్‌ లేడీ పెళ్ళికూతురన్న కాన్సెప్ట్‌లో పోస్టర్‌ని డిజైన్‌ చేసి సంచలనానికి తెరలేపారు. పోస్టర్‌తోనే సినిమాపై అంచనాలు మొదలయ్యాయి. చాలా ఇంట్రెస్ట్‌ క్రియేట్‌ చేస్తోంది ఈ పోస్టర్‌. అక్షర అందం సంగతి వేరే చెప్పనక్కర్లేదు. అందులోనూ ఆమె తేనె కళ్లు. అవి చాలా ఎట్రాక్ట్‌ చేస్తున్నాయి. కమల్‌ పెద్ద కూతురు శృతిహాసన్‌, తెలుగుతోపాటు తమిళ భాషల్లో టాప్‌ హీరోయిన్‌ అనిపించుకుంది. బాలీవుడ్‌లోనూ పలు సినిమాల్లో నటించింది. అక్షర కెరీర్‌ కొంచెం స్లోగా ఉన్నప్పటికీ, ఈ సినిమాతో అక్షర కూడా హీరోయిన్‌గా సత్తా చాటనుందని బాలీవుడ్‌ వర్గాలు భావిస్తున్నాయి. 'లాలి కి షాదీ మే లడ్డూ దీవానా' చిత్రానికి మనిష్‌ హరిశంకర్‌ దర్శకుడు. టిపి అగర్వాల్‌, రాహుల్‌ అగర్వాల్‌ ఈ చిత్రాన్ని స్టార్‌ ఎంటర్‌టైన్‌మెంట్‌ వరల్డ్‌ వైడ్‌ ప్రైవేట్‌ లిమిటెడ్‌ పతాకంపై నిర్మిస్తున్నారు. ఏప్రిల్‌ 7న ఈ సినిమా ప్రేక్షకుల ముందుకు రానుంది.