సంక్రాంతికి విడుద‌లైన `అల వైకుంఠ‌పుర‌ములో` కొత్త రికార్డులు సృష్టిస్తూనే ఉంది. ఆల్ టైమ్ ఇండ్ర‌స్ట్రీ రికార్డు (నాన్ బాహుబ‌లి 2)గా నిలిచిన ఈ సినిమా, సింగిల్ థియేట‌ర్ల విష‌యంలోనూ... చెక్కు చెద‌ర‌ని రికార్డు సొంతం చేసుకుంది. రెండు సింగిల్ స్క్రీన్ థియేట‌ర్ల‌లో చెరో కోటి రూపాయ‌లు వ‌సూలు చేసి కొత్త చ‌రిత్ర సృష్టించింది.
విశాఖ‌ప‌ట్నంలో బ‌న్నీకి విప‌రీత‌మైన ఫ్యాన్ ఫాలోయింగ్ ఉంది. అక్క‌డే బ‌న్నీ కొత్త రికార్డు క్రియేట్ చేశాడు. స్థానిక మెలోడీ థియేట‌ర్లో 28 రోజుల‌కు గానూ 1 కోటి 98 వేల గ్రాస్ సాధించింది ఈ సినిమా. శ‌ర‌త్‌లో 35 రోజుల‌కు కోటి రూపాయ‌లు వ‌సూలు చేయ‌గ‌లిగింది. ఒకే సినిమా, రెండు సింగిల్ స్క్రీన్ థియేట‌ర్ల‌లో చెరో కోటి వ‌సూలు చేయ‌డం ఇదే తొలిసారి.
