టాలీవుడ్ డైరక్టర్ నాగ్ అశ్విన్ పేరు 'కల్కి 2898ఏడీ' తో దేశ విదేశాలకి పాకింది. నాగ్ అశ్విన్ ఇప్పుడు టాలీవుడ్ దర్శకుడు కాదు పాన్ ఇండియా డైరెక్టర్. మహానటి సినిమాతో సౌత్ లో మంచి గుర్తింపు తెచ్చుకున్న అశ్విన్ కల్కితో ఇంటర్ నేషనల్ లెవల్ లో కీర్తి పొందాడు. కల్కి తో విమర్శకుల ప్రశంసలు అందుకున్న అశ్విన్ నుంచి నెక్స్ట్ సినిమా ఎప్పుడు వస్తుందా? ఎవరితో తీస్తారా అని అంతా ఎదురు చూస్తున్నారు. కల్కి 2 ఇంకా పెండింగ్ ఉంది. ప్రస్తుతం ప్రభాస్ కొన్ని ప్రాజెక్ట్స్ తో బిజీగా ఉండటం వలన కల్కి 2 స్క్రిప్ట్ రాసే పనిలో ఉన్నాడట అశ్విన్. ప్రభాస్ కొంచెం ఫ్రీ అవగానే ఈ మూవీ స్టార్ట్ చేసి 2026, 2027 కి రిలీజ్ చేసే ఆలోచనలో ఉన్నారట అశ్విన్.

కల్కి 2 తరవాత బాలీవుడ్ స్టార్ హీరోయిన్ అలియా భట్ తో సినిమా తెరెకెక్కించే పనిలో ఉన్నారట అశ్విన్. ఇప్పటికే RRR సినిమాలో చెర్రీకి జోడీగా నటించిన అలియా సౌత్ ఆడియన్స్ కి పరిచయమే. అందుకే మరొకసారి అలియా నటనని తెలుగు ఆడియన్స్ కి పరిచయం చేయటానికి అశ్విన్ డిసైడ్ అయ్యారట. ఇప్పటికే అలియాకి కథ చెప్పగా, ఆమెకి కథ నచ్చి ఓకే చేసినట్లు సమాచారం. పైగా ఇది లేడి ఓరియెంటెడ్ మూవీ అని తెలుస్తోంది. ఫీమేల్ సెంట్రిక్ మూవీ అయినా భారీ బడ్జెట్ తో తెరెక్కేకించే పనిలో ఉన్నారట నాగ్ అశ్విన్. అందుకోసం బాలీవుడ్ లో ఓ బడా నిర్మాణ సంస్థ ముందుకు వచ్చినట్లు టాక్.

కల్కి 2 తరువాత అలియాతో మూవీ స్టార్ట్ చేస్తారని తెలుస్తోంది. నెవ్వర్ ఎక్స్ పెక్టేడ్ స్టోరీతో లార్జ్ స్కేల్ లో కథ చెప్తున్నారట నాగ్ అశ్విన్. ప్రస్తుతం బాలీవుడ్ లో మంచి మార్కెట్ ఉన్న యాక్టర్ అలియా. ఇప్పటికే హాలీవుడ్ లో కూడా నటించింది. పాత్రకి తగ్గట్టు తనని తానూ హండ్రెడ్ పర్శంట్ మార్చుకుంటుంది. గంగూబాయి కథియావాడి సినిమానే ఇందుకు నిదర్శనం. ఈ మూవీకి నేషనల్ అవార్డు కూడా అందుకుంది. ఇపుడు నాగ్ అశ్విన్ కథతో పాన్ వరల్డ్ లో అలరించనుంది అలియా. అయితే మరొక నేషనల్ అవార్డు గ్యారంటీ అనుకోవచ్చు.