బాలీవుడ్‌ బ్యూటీ అలియా భట్‌, ఇప్పుడు ప్రభాస్‌కి వీరాభిమాని అయిపోయింది. ప్రభాస్‌తో కలిసి నటించాలనుకుంటున్నట్లు చెప్పింది. ఇంతకు ముందు ఈ బ్యూటీ, ఎన్టీయార్‌కి వీరాభిమానని చెప్పడం విన్నాం. బాలీవుడ్‌ బ్యూటీస్‌ ఇలా మాట మార్చేయడం కొత్త కాదు. విద్యాబాలన్‌, నాగార్జునతో నటించాలని ఉందంటూ ఓ సందర్భంలో చెప్పింది. అయితే తమ సినిమాల ప్రమోషన్‌ కోసం హైదరాబాద్‌ వచ్చినప్పుడు ఇలాంటి మాటలు చెబుతారు. కానీ ఈ అభిమానంలో నిజమెంతో తెలీదు. అలియా కూడా అంతే. అయితే ప్రబాస్‌ ఇప్పుడు యూనివర్సల్‌ స్టార్‌ కాబట్టి అలియా నిజంగానే ప్రబాస్‌కి ఫిదా అయిపోయి ఉండొచ్చు. మరో వైపు 'బాహుబలి' మేనియా దేశమంతా ఉండటంతో తన వంతుగా అలియా ఈ రకంగా ప్రభాస్‌పై స్పందించిందనుకోవాలేమో కూడా. ఓ తెలుగు సినిమా కోసం అలియాని సంప్రదిస్తే, మైండ్‌ బ్లాంక్‌ అయ్యే రెమ్యునరేషన్‌ చెప్పి, తప్పించుకుందామె. ప్రభాస్‌ కోసం అలియాని ట్రై చేసినా అదే పరిస్థితి రావొచ్చు. ఈ బాలీవుడ్‌ భామల మాటల్ని నమ్మలేం. అయితే తాజాగా ప్రబాస్‌ సినిమా కోసం ఓ బాలీవుడ్‌ బ్యూటీని ట్రై చేస్తున్న మాట వాస్తవమే. ఒకవేళ అది తెలిసి కూడా ఆలియా ఇలా స్పందించిందో ఏమో తెలీడం లేదు. సుజిత్‌ డైరెక్షన్‌లో ప్రబాస్‌ హీరోగా తెరకెక్కుతోన్న 'సాహో' సినిమాలో బాలీవుడ్‌ బ్యూటీని హీరోయిన్‌గా అనుకుంటున్నారు. ఆ లిస్ట్‌లో ఇప్పటికే దీపికా, కత్రినా వంటి బాలీవుడ్‌ భామలుండగా, కొత్తగా అలియా పేరు కూడా జాయిన్‌ అవుతుందేమో చూడాలి.