ప్రజంట్ ఎక్కడ చూసినా పుష్ప2 మానియా నడుస్తోంది. డిసెంబర్ 5న వరల్డ్ వైడ్ గా పుష్ప రాజ్ దండయాత్ర మొదలవుతుంది. ఇప్పటికీ ఆల్మోస్ట్ షూటింగ్ కంప్లీట్ చేసారు. ఐటెం సాంగ్ కూడా పూర్తి అయిందని టాక్. ఇక ప్రమోషన్స్ నిర్వహించే పనిలో ఉన్నారు మేకర్స్. పుష్ప 2 బడ్జెట్ అనుకున్న దానికంటే పెరిగి 500 కోట్లకి చేరింది. కానీ మేకర్స్ సేఫ్ జోన్ లో ఉన్నట్లే. కారణం పుష్ప 2 రిలీజ్ కి ముందే 1000 కోట్లు పైనే కలక్ట్ చేసి తండాగా ఉంది. ఇంకా హిందీ థియేటర్స్ రైట్స్, హిందీ ఓటీటీ రైట్స్ ఇంకా సేల్ చేయలేదు. అవి కూడా భారీ ధరకి అమ్ముడుపోయేలా ఉన్నాయని టాక్.
పుష్ప 2 కి అల్లు అర్జున్ 300 కోట్లు తీసుకున్నట్టు సమాచారం. కేవలం పుష్ప రాజ్ క్రేజ్ వలన అంత బిజినెస్ జరగటంతో వారు కూడా బన్నీ అడిగినంత ఇచ్చారట. దీనితో దేశంలోనే అత్యధిక రెమ్యునరేషన్ తీసుకున్న హీరోగా అల్లు అర్జున్ రికార్డు క్రియేట్ చేసాడు. పార్ట్ వన్ లో నటించిన రష్మిక పార్ట్ 2 లో కూడా బన్నీతో రొమాన్స్ చేస్తోంది. రష్మిక కూడా ఈ సినిమాకు భారీ రెమ్యునరేషన్ తీసుకున్నట్లు తెలుస్తోంది. ఈ మూవీకి శ్రీవల్లి 10 కోట్లు డిమాండ్ చేసిందని సమాచారం. రష్మిక ఇప్పటివరకు తీసుకున్న వాటిలో ఇదే హయ్యెస్ట్ రెమ్యునరేషన్. ఆ మాటకొస్తే టాలీవుడ్ లో హయ్యెస్ట్ రెమ్యునరేషన్ తీసుకున్న హీరోయిన్ కూడా రష్మిక కావటం గమనార్హం.
పార్ట్ వన్ లో నటించిన ఫాహద్ ఫాజిల్ పార్ట్ 2 లో పవర్ ఫుల్ విలన్ గా కనిపిస్తున్నారు. మళయాళంలో ఫాహద్ సూపర్ స్టార్. అతని సినిమాలన్నీ అక్కడ బ్లాక్ బస్టర్లే. అలాంటి ఫాహద్ కి పుష్ప 2 కి 8 కోట్ల రెమ్యునరేషన్ ఇచ్చారట. అంటే ఫాహద్ కంటే రష్మికకే ఎక్కువ. వరుస పాన్ ఇండియా సినిమాలు చేస్తూ ఫుల్ ఫామ్ లో ఉన్న నేషనల్ క్రష్ రేంజ్ కి ఆ మాత్రం ఉండాలని ఫాన్స్, నెటిజన్స్ కామెంట్స్ చేస్తున్నారు. యానిమల్ తో హిట్ అందుకున్న రష్మిక , పుష్ప 2 తో మరో పాన్ ఇండియా హిట్ తన ఖాతాలో వేసుకోవటానికి రెడీగా ఉంది. నెక్స్ట్ కుబేర, యానిమల్ 2 , ఎన్టీఆర్, ప్రశాంత్ నీల్ కాంబో మూవీ డ్రాగన్ ఇలా వరుసగా క్రేజీ ప్రాజెక్ట్స్ లో నటిస్తోంది. శ్రీవల్లి. పుష్ప 2 తరవాత రష్మిక ఇంకా రెమ్యునరేషన్ పెంచే ఛాన్స్ ఉంది.
