రామలక్ష్మీ సినీ క్రియేషన్స్‌ బ్యానర్‌లో అల్లు అర్జున్‌ హీరోగా నటిస్తున్న చిత్రం 'నా పేరు సూర్య నా ఇల్లు ఇండియా'. అందాల భామ అనూ ఇమ్మాన్యుయేల్‌ హీరోయిన్‌గా నటిస్తోంది. ప్రముఖ సినీ రచయిత వక్కంతం వంశీ ఈ సినిమాతో డైరెక్టర్‌గా మారుతున్నారు. ఇంతవరకూ చరణ్‌, పవన్‌ కళ్యాణ్‌ తదితర హీరోలు 2018లో రిలీజ్‌ కాబోయే వారి వారి సినిమా ఆప్‌డేట్స్‌తో అభిమానులకు సర్‌ప్రైజ్స్‌ ఇచ్చేశారు. 

కానీ అల్లు అర్జున్‌ సినిమాకి సంబంధించి గత కొంతకాలంగా ఏ అప్‌డేట్‌ లేదు. అయితే తాజా అప్‌డేట్‌ ప్రకారం బన్నీ కూడా ఏదో డిఫరెంట్‌ సర్‌ప్రైజ్‌ ఇవ్వనున్నాడట. అది కూడా ఈ రోజు రాత్రి 10 గంటలకు. బన్నీ ఫ్యాన్స్‌ ఆతృతగా ఎదురు చూస్తున్నారు. బన్నీ నుండి వచ్చే ఆ సర్‌ప్రైజ్‌ ఏంటో అని. కంప్లీట్‌ యాక్షన్‌ ఎంటర్‌టైనర్‌గా తెరకెక్కుతోంది ఈ సినిమా. ఎమోషన్స్‌ పరంగా చాలా స్ట్రాంగ్‌గా ఉంటుందట ఈ సినిమా కంటెన్ట్‌. 'డీజె' తర్వాత అల్లు అర్జున్‌ చేస్తున్న సినిమా ఇది. 

డాన్సుల్లో అల్లు అర్జున్‌ టాలెంట్‌ అందరికీ తెలిసిందే. ఈ సినిమాలో డాన్సులు ఇంకా కొత్తగా ట్రై చేస్తున్నాడట. సినిమా సినిమాకి డిఫరెంట్‌గా డాన్సులు ట్రై చేసే అల్లు అర్జున్‌ ఈ సినిమా కోసం సరికొత్త స్టెప్పులేవో ట్రై చేశాడట. ఇంతకీ అల్లు అర్జున్‌ ఇవ్వబోయే ఆ సర్‌ప్రైజ్‌ ఏంటనేది సస్పెన్స్‌గా మారింది. టైటిల్‌ అయితే ఎప్పుడో వచ్చేసింది. వస్తే ఫస్ట్‌ లుక్‌ రావచ్చు. అయితే ఇప్పుడొచ్చేది ప్రీ లుక్‌ మాత్రమే అనే గాసిప్‌ వినిపిస్తోంది. అయితే ఈ రోజు ప్రీ లుక్‌ రిలీజ్‌ చేసి రేపు ఫస్ట్‌లుక్‌ని విడుదల చేస్తారనే టాక్‌ కూడా వినిపిస్తోంది. 

ఏది ఏమైనా ఏదో ఒక సర్‌ప్రైజ్‌ అయితే అల్లు అర్జున్‌ నుండి రానుందనే సంగతి తెలుస్తోంది. అయితే అదేంటనేది తెలియాలంటే మాత్రం మరి కొన్ని గంటలు ఆగాల్సిందే!