మొన్న విడుదలైన MCA, నిన్న విడుదలైన హలో చిత్రాలు ఓవర్సీస్లో కలెక్షన్స్ వర్షం కురిపిస్తునట్టు సమాచారం.
ఓవర్సీస్ లో నానికి మంచి రికార్డ్ ఉండటం, దిల్ రాజు నిర్మాణంలో వచ్చిన చిత్రం కావడంతో బుదవారం ప్రీమియర్స్ అలాగే గురువారం కలెక్షన్స్ కలుపుకుంటే సుమారు రూ 2.65 కోట్లు వసూళ్ళు రాబట్టింది. ఇక ఎటువంటి రికార్డు లేకుండానే అఖిల్ తన రెండవ చిత్రం హలోతో ఓవర్సీస్ లో మంచి ఓపెనింగ్స్ సాధించాడు.
మొదటిరోజు ఈ చిత్రానికి రూ 1.3 కోట్ల మేర వసూళ్ళు సాదించడం నిజంగా గ్రేట్ అని ట్రేడ్ వర్గాల మాట. పైగా ఈ సినిమాకి పాజిటివ్ టాక్ రావడంతో ఈ కలెక్షన్స్ ఇలానే కొనసాగితే రెండవ చిత్రానికి అఖిల్ ఓవర్సీస్ లో తన మార్కెట్ పెంచుకున్నవాడవుతాడు.
మొత్తానికి ఈ రెండు సినిమాలు ఓవర్సీస్ లో తెలుగు సినిమాల మార్కెట్ పెంచేందుకు దోహదపడ్డాయి.
