అల్లు అర్జున్‌ హీరోగా తెరకెక్కుతోన్న 'దువ్వాడ జగన్నాధమ్‌ - డీజె' విడుదలకు సిద్ధమైంది. ఈ సందర్భంగా సినిమా ప్రమోషన్‌ కార్యక్రమాలు షురూ అయ్యాయి. ఇటీవలే సాంగ్‌ టీజర్‌ విడుదలయ్యింది. హీరో ఇంట్రడక్షన్‌ సాంగ్‌గా రిలీజైన ఈ పాట చాలా పవర్‌ఫుల్‌గా అనిపిస్తోంది. అలాగే ఈ సినిమాలో ముద్దుగుమ్మ పూజా హెగ్దే హాట్‌ అప్పీల్‌ గురించి ఎక్కువగా చర్చ జరుగుతోంది. అమ్మడు ఈ సినిమాలో శృతిమించిన అందాల ప్రదర్శన చేసిందంటున్నారు. 'ముకుందా' సినిమాలో పల్లెటూరి అమ్మాయి అయినా, సింపుల్‌ మోడ్రన్‌ లుక్‌లో కనిపించి కుర్రకారును కట్టిపాడేసింది. ఆ తర్వాత 'ఒక లైలా కోసం' సినిమాలోనూ అదే తరహాలో అలరించింది. కానీ ఈ సినిమాకి వచ్చే సరికి గ్లామర్‌ డోస్‌ పెంచేసిందట. అవును మరి బాలీవుడ్‌కెళ్లొచ్చింది కదా. హృతిక్‌ రోషన్‌తో చేసిన ''మొహంజోదారో' సినిమాలో అమ్మడు స్కిన్‌ షో అదిరిపోయింది. అలాగే ఈ సినిమాలో కూడా అస్సలు మొహమాటపడుకుండా తనలోని హాట్‌ అప్పీల్‌కి వెల్‌కమ్‌ చెప్పేసిందట. దిల్‌ రాజు నిర్మాణంలో తెరకెక్కుతోంది ఈ సినిమా. ఎనర్జిటిక్‌ డైరెక్టర్‌ హరీష్‌ శంకర్‌ డైరెక్షన్‌లో ఈ సినిమా తెరకెక్కుతోంది. దేవిశ్రీ ప్రసాద్‌ మ్యూజిక్‌ అందించిన ఆడియో సింగిల్స్‌ ఇప్పటికే స్టార్ట్‌ అయ్యాయి. జూన్‌ 23న ఈ సినిమా ప్రేక్షకుల ముందుకు రానుంది. ఇంకెందుకాలస్యం భారీ అంచనాల నడుమ వస్తోన్న బన్నీ దూకుడు తట్టుకోవడానికి బీ రెడీ.