అరుంధ‌తి... ఈసినిమాని తెలుగు ప్రేక్ష‌కులు ఎప్ప‌టికీ మ‌ర్చిపోరు. అనుష్క‌ని టాలీవుడ్ స్టార్ హీరోయిన్ గా మార్చిన సినిమా ఇది. లేడీ ఓరియెంటెడ్ సినిమా స్టామినా చూపించిన సినిమా. గ్రాఫిక్స్ కి కొత్త అర్థం చెప్పిన సినిమా. ఇప్పుడు ఈ సినిమా బాలీవుడ్ కి వెళ్తోంది. ఎప్పుడో పుష్క‌ర‌కాలం క్రితం విడుద‌లైన ఈ సినిమాని ఇప్పుడు బాలీవుడ్ లో రీమేక్ చేస్తున్నారు.

ఈ సినిమా హ‌క్కుల్ని గీతా ఆర్ట్స్ సొంతం చేసుకుంద‌ని స‌మాచారం. అనుష్క పాత్ర‌లో దీపికా ప‌దుకొణె క‌నిపిస్తుంద‌ని తెలుస్తోంది. ఇప్ప‌టికే దీపిక‌తో సంప్ర‌దింపులు మొద‌ల‌య్యాయ‌ని తెలుస్తోంది. ఓ బాలీవుడ్ స్టార్ డైరెక్ట‌ర్ ఈ చిత్రానికి ద‌ర్శ‌క‌త్వం వ‌హించే అవ‌కాశాన్నాయి. `అరుంధ‌తి` ఆల్రెడీ కొన్ని భాష‌ల్లో రీమేక్ అయ్యింది. అయినా అనుకున్న ఫ‌లితం రాలేదు. అయినా స‌రే, హిందీలో రీమేక్ చేస్తున్నారంటే అల్లు అర‌వింద్ పెద్ద ప్లానే వేశాడు.