'శ్రీరస్తు శుభమస్తు' సినిమాతో మంచి విజయం అందుకున్నాడు అల్లు వారబ్బాయి అల్లు శిరీష్‌. ఆ తర్వాత తెలుగులో చేస్తున్న సినిమా 'ఒక్క క్షణం'. వి.ఐ.ఆనంద్‌ ఈ సినిమాకి దర్శకత్వం వహిస్తున్నాడు. చక్రి చిగురుపాటి ఈ చిత్రానికి నిర్మాతగా వ్యవహరిస్తున్నారు. తాజాగా ఈ సినిమా ఫస్ట్‌లుక్‌ విడుదలైంది. లుక్‌ చాలా ఇంట్రెస్టింగ్‌గా ఉంది. 

'లవ్‌ వెర్సస్‌ డెస్టినీ' అనే క్యాప్షన్‌ మరింత ఇంట్రెస్ట్‌ని క్రియేట్‌ చేస్తోంది. అంటే ఇదేదో ప్రయోగాత్మక చిత్రం అనుకునేలా ఉంది లుక్‌ చూస్తుంటే. నిఖిల్‌తో 'ఎక్కడికి పోతావు చిన్నవాడా' చిత్రాన్ని తెరకెక్కించి మంచి విజయం అందుకున్నాడు డైరెక్టర్‌ వి.ఐ.ఆనంద్‌. అలాగే ఇది కూడా ఓ డిఫరెంట్‌ కాన్సెప్ట్‌ మూవీ అనిపిస్తోంది. ఈ సినిమాలో సురభి, సీరత్‌ కపూర్‌ హీరోయిన్లుగా నటిస్తున్నారు. 

ఫస్ట్‌లుక్‌లో సురభికి చోటు దక్కింది. సీరత్‌కపూర్‌కి చోటు దక్కలేదు. శిరీష్‌ పవర్‌ఫుల్‌ చూపుల్తోనూ, సురభి భయంతో నిండిన చూపులతో కనిపిస్తున్నారు ఈ లుక్‌లో. లుక్‌ అయితే ఇంట్రెస్టింగ్‌గా డిజైన్‌ చేశారు. సినిమాలో కంటెన్ట్‌ ఎలా ఉండబోతోందో చూడాలి మరి. గ్యాప్‌ తీసుకుని మంచి సబ్జెక్స్‌ ఎంచుకుంటున్నాడు అల్లు శిరీష్‌. తొందరపడకుండా, ఆచి తూచి సినిమాలు చేస్తున్నాడు. ఒక్క తెలుగులోనే కాదు, తెలుగుతో పాటు మలయాళంలోనూ సినిమాలు చేస్తున్నాడు అల్లు శిరీష్‌. అన్నయ్య అల్లు అర్జున్‌కి మలయాళంలోనూ స్టార్‌డమ్‌ ఉంది. ఆ స్టార్‌డమ్‌ని అక్కడ కూడా క్యాష్‌ చేసుకుంటున్నాడు మనోడు. 

'1971' అనే హిస్టారికల్‌ మూవీలో నటించాడు మలయాళంలో అల్లు శిరీష్‌. అక్కడా, ఇక్కడా కూడా ఎట్‌ ఏ టైమ్‌ సినిమాలు చేస్తున్నాడు. ఇలా టాలీవుడ్‌నీ, మాలీవుడ్‌నీ కూడా మనోడు కేర్‌ఫుల్‌గా బ్యాలెన్స్‌ చేసుకుంటూ వస్తున్నాడు.