ప్ర‌భాస్ క‌థానాయ‌కుడిగా వైజ‌యంతీ మూవీస్ ఓ చిత్రాన్ని నిర్మిస్తోంది. నాగ అశ్విన్ ద‌ర్శ‌కుడు. ఈ చిత్రానికి సంబంధించిన ఓ కీల‌క‌మైన అప్ డేట్ ఇచ్చింది చిత్ర‌బృందం. ఇందులో ఓ కీల‌క పాత్ర కోసం బాలీవుడ్ దిగ్గ‌జం అమితాబ్ బ‌చ్చ‌న్ ని ఎంచుకున్న‌ట్టు అధికారికంగా ప్ర‌క‌టించింది. ఇప్ప‌టికే క‌థానాయిక‌గా దీపికా ప‌దుకొణెని ఖ‌రారు చేశారు. బిగ్ బీ రాక‌తో... మ‌రో ప్ర‌త్యేక ఆక‌ర్ష‌ణ చేరింది.

Welcome aboard @SrBachchan sir, it is our honor to have you. Your birthday celebrations have begun! #NamaskaramBigB🙏🏽https://t.co/bmG2GXTq1R#Prabhas @deepikapadukone @nagashwin7 @AshwiniDuttCh @SwapnaDuttCh @VyjayanthiFilms pic.twitter.com/IYIi5YvSnv

— Vyjayanthi Movies (@VyjayanthiFilms) October 9, 2020

దాదాపు 250 కోట్ల వ్య‌యంతో, భారీ బ‌డ్జెట్ తో తెర‌కెక్కుతున్న చిత్ర‌మిది. అంత‌ర్జాతీయ స్థాయిలో విడుద‌ల చేయాల‌నుకుంటున్నారు. సౌత్ ఇండియా, బాలీవుడ్ నుంచి ప్ర‌ముఖులకు ఈ చిత్ర‌బృందంలో చోటు ఇవ్వ‌బోతున్నారు. ఆ కోవ‌లోనే అమితాబ్ ని ఎంచుకున్నారు. ఈ ప్రాజెక్టులో మ‌రింత‌మంది బాలీవుడ్ ప్ర‌ముఖులు క‌నిపించ‌నున్నార‌ని టాక్‌. మ‌రి వాళ్లెవ‌రో, ఈ సినిమాలో బిగ్ బీ పాత్ర ఎలా ఉంటుందో చూడాలంటే ఇంకొన్ని రోజులు ఆగాలి. 2021 జ‌న‌వ‌రి నుంచి ఈ సినిమా ప‌ట్టాలెక్కే ఛాన్సుంది.