పాన్ ఇండియా స్టార్ ప్రభాస్ 'రాధే శ్యామ్' సినిమాలో మరో స్పెషల్ ఎట్రాక్షన్ చేసింది. మార్చి 11న ప్రపంచ వ్యాప్తంగా విడుదల కానున్న ఈ సినిమ పోస్ట్ ప్రొడ‌క్షన్ కార్యక్రమాలు శ‌ర‌వేగంగా జ‌రుగుతున్నాయి. తాజాగా ఈ సినిమాలో బాలీవుడ్ మెగాస్టార్ అమితాబ్ బచ్చన్ చేరారు. నటుడిగా కాదు.

రాధేశ్యామ్ సినిమా వాయస్ నెరేష‌న్ కోసం ..అమితాబ్ బ‌చ్చన్ వాయిస్ ఓవ‌ర్‌ను అందించారు. ఈ విష‌యాన్ని చిత్ర యూనిట్ తెలియ‌జేసింది. డైరెక్టర్ రాధా కృష్ణ కుమార్‌, హీరోయిన్ పూజా హెగ్డే త‌దిత‌రులు అమితాబ్‌కు ధ‌న్యవాదాలు తెలియ‌జేశారు. దాదాపు రెండున్నరేళ్ల త‌ర్వాత ప్రభాస్ నుంచి వస్తున్న ఈ సినిమాపై భారీ అంచనాలు వున్నాయి. అన్నట్టు.. ప్రస్తుతం సాలార్, ప్రాజెక్ట్ కే సినిమాల షూటింగ్ తో బిజీ గా వున్నారు ప్రభాస్. ఇందులో నాగ్ అశ్విన్ తో చేస్తున్న ప్రాజెక్ట్ కే లో అమితాబ్ బచ్చన్ కూడా ఓ కీలక పాత్ర చేస్తున్నారు. ఇప్పుడు ఆయన రాధే శ్యామ్ లో కూడా భాగమయ్యారు.