ముద్దుగుమ్మ అమీజాక్సన్‌ మంచి డాన్సర్‌. కానీ ఆమె డాన్సు బాగా చేయలేదు. ఎక్కడనుకుంటున్నారా? హైద్రాబాద్‌లోని ఉప్పల్‌ స్టేడియంలో ఐపీఎల్‌ - 10వ సీజన్‌ వేడుకలను బుధవారం ఘనంగా నిర్వహించిన సంగతి తెలిసిందే. ఈ వేడుకల్లో బాలీవుడ్ బ్యూటీ అమీజాక్సన్‌ డాన్స్‌ ప్రధాన ఆకర్షణ కానుందని ముందు నుంచే బోలెడంత ప్రచారం జరిగింది. కానీ తీరా ఈ వేడుకలో అమ్మడు తుస్‌మనిపించింది. డాన్స్‌ బాగా చేయలేదంటూ సోషల్‌ మీడియా కోడై కూస్తోంది. ఆమెపై విమర్శలు గుప్పిస్తోంది. అమీ చాలా హుషారుగా, కలర్‌ ఫుల్‌ గోల్డెన్‌ డ్రస్సులో మైదానంలోకి ఎంట్రీ ఇచ్చింది. కానీ అందుకు తగ్గట్లుగా డాన్స్‌ మాత్రం చేయలేకపోయింది. బాలీవుడ్ పాపులర్‌ సాంగ్స్‌ కాలా చష్మా, ఓం శాంతి ఓం.. పాటలకు అమ్మడు చిందేసింది. ఆ పాటలకు ఆమె చేసిన డాన్స్‌ బావుంటే హైద్రాబాద్‌లో అమీకి ఎంతగానో పాపులారిటీ వచ్చేది. కానీ అలా జరగలేదు. ఆమె డాన్సులు తేలిపోయాయి. దాంతో నెటిజన్లు చాలా డిజప్పాయింట్‌ అయ్యారు. కాగా అమీజాక్సన్‌ త్వరలోనే 'రోబో 2.0' సినిమాతో మన ముందుకు రానుంది. శంకర్‌ దర్శకత్వంలో ఈ సినిమా తెరకెక్కుతోంది. సూపర్‌ స్టార్‌ రజనీకాంత్‌ హీరోగా తెరకెక్కుతోన్న భారీ బడ్జెట్ మూవీ ఇది. లేడీ రోబోగా అమీజాక్సన్‌ నటిస్తోంది. ఈ దీపావళికి ఈ సినిమాను ప్రేక్షకుల ముందుకు తీసుకువచ్చేందుకు సన్నాహాలు చేస్తోంది చిత్ర యూనిట్‌.
