ఇటీవలే 'మనసుకు నచ్చింది' సినిమాతో తెలుగు ప్రేక్షకులకు పరిచయమైన బ్యూటీ అమైరా దస్తూర్‌. నిత్య పాత్రలో అందంగా ఆకర్షణీయంగా ఈ సినిమాలో కనిపించింది కానీ, సినిమా ఆశించిన స్థాయిలో విజయం సాధించలేదు. దాంతో సినిమా విడుదల తర్వాత అమ్మడి పేరు పెద్దగా వినిపించలేదు. తెలుగులో ఎంట్రీ ఇస్తూనే రెండు సినిమాలకు సైన్‌ చేసింది ఈ బ్యూటీ. ఒక సినిమా 'మనసుకు నచ్చింది' ఇలా అయితేనేం. మరో సినిమా ఉంది. అదే 'రాజుగాడు' సినిమా. యంగ్‌ హీరో రాజ్‌తరుణ్‌ ఈ సినిమాలో హీరోగా నటిస్తున్నాడు.

ప్రస్తుతం ఈ సినిమాతో బిజీగా గడుపుతున్న ఈ బ్యూటీ, ఆల్రెడీ తమిళ, హిందీ భాషల్లో కొన్ని చిత్రాల్లో నటించింది. మోడలింగ్‌ రంగం నుండి వచ్చిన ఈ అందాల భామకు ఫ్యాషన్‌ పట్ల ఓ ఐడియా ఉంది. అందుకే సోషల్‌ మీడియాలో అప్పుడప్పుడూ హాట్‌ హాట్‌ ఫోటోలతో రెచ్చిపోతూంటుంది. అంతేకాదు ఫోటో సెషన్‌లో మంచి టేస్ట్‌ కూడా ఉంది ఈ ముద్దుగుమ్మకి.అందుకే డిఫరెంట్‌ పోజుల్లో ఫోటో సెషన్‌ చేయించుకుంటూ, కుర్రకారుకు తన అంద చందాలతో కనువిందు చేస్తుంటుంది. తాజాగా ఈ రెడ్‌ టాప్‌లో అమైరా అందాలు అదరహో అనిపిస్తున్నాయి కదా!