పూరి జగన్నాథ్, రామ్ పోతినేని కాంబోలో వచ్చిన ఇస్మార్ట్ శంకర్ ఎంతటి హిట్ అయ్యిందో అందరికీ తెలిసిందే. పూరికి, రామ్ కి సెన్సేషనల్ హిట్ అందించింది. రామ్ లో ఉన్న మరో కోణం ఈ మూవీతో బయట పడింది. మొదటిసారి రామ్ ఊర మాస్ క్యారక్టర్ లో కనిపించి ఫాన్స్ ని ఆశ్చర్యానికి గురి చేశాడు. ఇప్పుడు ఈ మూవీకి సీక్వెల్ గా ‘డబుల్ ఇస్మార్ట్’ తెరకెక్కుతోంది. మొదటి పార్ట్ లానే ఇది కూడా ఆడియన్స్ లో భారీ క్రేజ్ ఏర్పడేలా చేసింది. లైగర్ తో ఫ్లాప్ మూటగట్టుకున్న పూరి డబుల్ ఇస్మార్ట్ ని నమ్ముకున్నాడు.
ఈ మూవీ లో ఓ స్పెషల్ సాంగ్ ఉండనుంది అని సమాచారం. ఈ పాటలో ఎవరు చిందేయనున్నారనే ఆసక్తితో ఉన్న సినీప్రియులకి అదిరిపోయే అప్డేట్ వచ్చింది. పూరి లాస్ట్ మూవీ లో విజయ్ దేవరకొండ సరసన నటించిన అనన్యా పాండే ఈ పాటలో నర్తించనున్నట్లు టాక్. లైగర్ తో సౌత్ లో ఎంట్రీ ఇచ్చిన అనన్య కి ఆ మూవీ డిజాస్టర్ కావటం తో ఆశించిన ఆదరణ లభించలేదు. పోయిన చోటే వెతుక్కోవాలన్న ఆలోచనతో మళ్ళీ పూరి సినిమాతోనే సౌత్ లో తన లక్ పరీక్షించుకోబోతోంది.
ఒకప్పుడు హీరోయిన్స్ గా నటించటానికి కూడా మొహం చాటేసే నార్త్ భామలు ఇప్పుడు సౌత్ సినిమాల్లో గెస్ట్ రోల్ అయినా, స్పెషల్ సాంగ్స్ అయినా రెడీ అంటున్నారు. పుష్ప 2 లో జాన్వీ కపూర్ ఒక స్పెషల్ సాంగ్ కి పచ్చ జెండా ఊపిన సంగతి తెలిసిందే. ఇప్పుడు అనన్యాపాండే. తెలుగు సినిమా స్థాయి రోజు రోజుకి పెరుగుతోంది అనటానికి ఇదే నిదర్శనం. రామ్ డాన్స్ చాలా ఎనర్జిటిక్ గా ఉంటుంది. ఆ ఎనర్జీ కి అనన్యా గ్లామర్ కూడా తోడయితే కుర్రాళ్ళకి కన్నుల పండగగా ఉంటుంది. ఈ మూవీలో సంజయ్ దత్ కీలక పాత్ర చేస్తున్న సంగతి తెలిసిందే. పూరి కనెక్ట్స్ బ్యానర్ పై పూరి జగన్నాథ్, ఛార్మి కలిసి నిర్మిస్తున్నఈ సినిమా తెలుగు, తమిళం, కన్నడ, మలయాళం, హిందీ భాషల్లో రిలీజ్ కానుంది.
