ఇండియా మోస్ట్ వెయిటింగ్ మూవీ పుష్ప 2. ఐకాన్ స్టార్ అల్లు అర్జున్ – సుకుమార్ కాంబోలో వచ్చిన మొదటి పార్ట్ పుష్ప- ది రైజ్ విపరీతమైన క్రేజ్ తో అద్భుత విజయాన్ని సాధించింది. ఓన్లీ ఇండియన్ ఆడియన్స్ ని మాత్రమే కాదు, వరల్డ్ వైడ్ పాపులారిటీ సంపాదించుకుంది. బన్నీ క్రేజ్ అమాంతం పెరిగిపోయింది. ఐకాన్ స్టార్ కి పుష్పరాజ్ నేషనల్ అవార్డు తెచ్చి పెట్టాడు. ఇప్పుడు పుష్ప 2 ది రూల్ పై కూడా భారీ అంచనాలు నెలకొన్నాయి. ఈ మూవీ ఎప్పుడు రిలీజ్ అవుతుందో అని ప్రేక్షకులు ఆత్రంగా చూస్తున్నారు. ఈ మూవీ గూర్చి రోజుకొక అప్డేట్ వస్తోంది.
మొదటి పార్ట్ లో నటించిన వారితో పాటు కొందరు కొత్తవాళ్లు సెకండ్ పార్ట్ లో యాడ్ అయ్యారు . ఈ మధ్యే ఈ మూవీలో జాన్వీ కపూర్ స్పెషల్ సాంగ్ చేస్తున్నట్టు తెలిసింది. ఈ వార్తే ఆహా అనిపిస్తే, ఇప్పుడు మరో అదిరిపోయే అప్డేట్ వచ్చింది. మొదటి పార్ట్ లో విలన్ గా అలరించిన ఫాహద్ ఫాజిల్ సెకండ్ పార్ట్ లో కూడా కనిపిస్తున్నాడు. ఇతని తో పాటు బాలీవుడ్ స్టార్ సంజయ్ దత్ కూడా పుష్ప-2 లో ఓ కీలక పాత్రలో కనిపించనున్నట్లు సమాచారం.
సంజయ్ ఒక డాన్ క్యారక్టర్ లో దర్శనం ఇవ్వనున్నట్లు టాక్. పుష్ప 2 లో సంజయ్ దత్ అనగానే ప్రేక్షకులు మంచి థ్రిల్ ఫీల్ అవుతున్నారు. పుష్ప సిరీస్ కంటిన్యూ అవుతుంది అని ఇప్పటిలో ముగింపు లేదని మేకర్స్ క్లారిటీ ఇవ్వటంతో, సంజయ్ దత్ ఇక డాన్ గా ఈ సిరీస్ లో కొనసాగటం ఖాయం అని గట్టిగా వినిపిస్తోంది. మైత్రీ మూవీ మేకర్స్ నిర్మిస్తున్న ఈ సినిమాకి రాకింగ్ స్టార్ దేవి శ్రీ ప్రసాద్ సంగీతం అందించనున్నారు. ఆగస్టు 15న, పుష్ప రాజ్ ఆడియన్స్ ని అలరించబోతున్నాడు.
