బుల్లితెర షోలతో అన‌సూయ భ‌లే పాపుల‌ర్ అయిపోయింది. క‌థానాయిక‌ల‌కు సైతం లేని క్రేజ్ సొంతం చేసుకుంది. వెండి తెర‌పైనా మెరిసింది. చేసింది కొన్ని సినిమాలే అయినా, త‌న‌కంటూ ఓ ప్రాధాన్యం సంపాదించుకుంది. ముఖ్యంగా రంగ‌మ్మత్త‌గా గుర్తుండిపోతుంది. రంగ‌స్థ‌లంలో రంగ‌మ్మ‌త్త పాత్ర అన‌సూయ‌కు మ‌రింత క్రేజ్ తీసుకొచ్చింది. ఇప్పుడు అన‌సూయ‌లోకి కొత్త కోణం బ‌య‌ట‌కు రాబోతోంది. అవును.. అన‌సూయ రాబోయే సినిమాలో విల‌న్‌గా క‌నిపించ‌నుంది. రౌడీ రాణీగా.. భ‌య‌పెట్ట‌బోతోంది.
క‌థానాయ‌కుడు విజయ్ దేవ‌ర‌కొండ త‌న సినిమాలు తాను చేసుకుంటూనే... నిర్మాత‌గానూ బిజీ అవుతున్నాడు. విజయ్ బ్యాన‌ర్‌లో `మీకు మాత్ర‌మే చెబుతా` విడుద‌లైంది. అందులో అన‌సూయ ఓ కీల‌క పాత్ర పోషించింది. ఇప్పుడు విజయ్ మ‌రో సినిమా చేయ‌బోతున్నాడు. నిర్మాత‌గా. ఇందులోనూ అన‌సూయ‌కు మంచి పాత్ర ద‌క్కింద‌ని, ఈసారి విల‌న్‌గా క‌నిపించబోతోంద‌ని తెలుస్తోంది. పూర్తి వివ‌రాలు త్వ‌ర‌లో వెల్ల‌డ‌వుతాయి.
