విలన్స్‌ని వీర లెవల్లో చితక బాదేస్తాడు. తర్వాత ప్రశాంతంగా కొన్ని కొటేషన్స్‌ చెబుతుంటాడు.. ‘భీష్మ’ సినిమాలో హీరో నితిన్‌. ట్రైలర్‌ అంతా ఒకెత్తు, ఎండిరగ్‌లో వచ్చే ఈ కొటేషన్స్‌ ఇంకో ఎత్తు. ట్రైలర్‌లో మిగిలిన సన్నివేశాల సంగతేమో కానీ, లాస్ట్‌లో నితిన్‌ చెప్పిన ఆ కొటేషన్‌ ఉంది చూశారూ.. అది మాత్రం భలే నచ్చేస్తోంది ఆడియన్స్‌కి. ఆ కొటేషన్స్‌పై బోలెడన్ని మీమ్స్‌ చేస్తూ సోషల్‌ మీడియాలో ఈ డైలాగ్‌ని తెగ వైరల్‌ చేస్తున్నారు. ఇదో కొత్త రకం ప్రమోషన్‌లా ఉంది. నితిన్‌కి బాగా యూజ్‌ అయ్యేలానూ ఉంది. వెంకీ కుడుముల దర్శకత్వంలో తెరకెక్కిన ‘భీష్మ’ చిత్రం మరికొద్ది రోజుల్లో విడుదల కానున్న సంగతి తెలిసిందే.
ఈ క్రమంలో ప్రమోషన్స్‌తో చిత్ర యూనిట్‌ ఊదరగొట్టేస్తోంది. ఎక్కడ విన్నా ‘భీష్మ’ ముచ్చటే. దాంతో పోజిటివ్‌ బజ్‌ బాగా ఏర్పడింది సినిమాపై. ఈ శుక్రవారం రిలీజ్‌ కానున్న ఈ సినిమాని సితార ఎంటర్‌టైన్‌మెంట్స్‌ సంస్థ నిర్మించింది. రొమాంటిక్‌ అండ్‌ ఫుల్‌ ఆఫ్‌ యాక్షన్‌ ఎంటర్‌టైనర్‌గా రూపొందిన ‘భీష్మ’కు హీరోయిన్‌ రష్మికా మండన్నా స్పెషల్‌ అట్రాక్షన్‌ కానుంది. మరోవైపు కొత్త మ్యూజిక్‌ దర్శకుడు, మణిశర్మ వారసుడు మహతి సాగర్‌ అందించిన పాటలకి మంచి రెస్పాన్స్‌ వస్తుండడం, డైలాగ్స్‌, యాక్షన్‌ అన్నీ కమర్షియల్‌గా ఎట్రాక్ట్‌ చేస్తుండడం చూస్తుంటే, నితిన్‌ ‘భీష్మ’కి హిట్‌ కళ పుష్కంగా ఉన్నట్లే ఉంది. చూడాలి మరి.
