కొద్ది గంటల ముందు రోడ్డు ప్రమాదం నుండి బయటపడిన యాంకర్ అనసూయ ఆ సంఘటన గురించి ఐక్లిక్ మూవీస్ తో ప్రత్యేకంగా మాట్లాడారు.
అనసూయ చెప్పిన దాని ప్రకారం, అనంతపురం జిల్లా పెనుగొండ సమీపంలో వారు ప్రయాణిస్తున్న కారును ఎదురుగా వచ్చిన వాహనం డీకొన్నదట. అయితే ఆ సమయంలో అవతలి వాహనం నడుపుతున్న డ్రైవర్ మద్యం సేవించి ఉన్నాడట.
అయితే ఆ దేవుడి దయవల్ల తనకి కాని తన కుటుంబసభ్యులకి కాని ఎటువంటి ప్రమాదం జరగలేదు అని తెలిపింది. ప్రమాదం సంభవించిన సమయంలో కారులో అనసూయతో పాటు ఆమె భర్త, ఇద్దరు పిల్లలు ఉన్నారట.
ప్రమాద తీవ్రతకి అనసూయ ప్రయాణిస్తున్న ఆడి కారు బాగా దెబ్బతినడంతో ఆ కారుని బెంగళూరులోని ఆడి షోరూం కి తరలించారట.
ఇక ఈ విపత్కర సమయంలో తనకి, తన కుటుంబానికి అండగా నిలబడిన స్నేహితులకి, కుటుంబసభ్యులకి, మీడియా మిత్రులకి కృతజ్ఞతలు చెప్పింది.
