బుల్లి తెర‌పై త‌న సోయ‌గాల‌తో.. వీక్ష‌కుల‌కు గాలం వేస్తుంది అన‌సూయ. వెండి తెర‌పై అడుగుపెడితే... అది ఇంకాస్త ఎక్కువ అవుతుంది. అన‌సూయ అంటేనే గ్లామ‌ర్ పాత్ర అని ఫిక్స‌యిపోవ‌చ్చు. ప్ర‌స్తుతం `ఆచార్య`, `రంగ‌మార్తండ` చిత్రాల్లో న‌టిస్తోంది. ఆ సినిమాలో అన‌సూయ‌కు ఎలాంటి పాత్ర‌లు దొరికాయో తెలీదు గానీ, `ఖిలాడీ`లో మాత్రం రంగ‌మ్మ‌త్త‌కు కైపెక్కించే పాత్ర దొరికింద‌ని స‌మాచారం.
ర‌వితేజ క‌థానాయ‌కుడిగా న‌టిస్తున్న చిత్రం `ఖిలాడీ`. ర‌మేష్ వ‌ర్మ ద‌ర్శ‌కుడు. డింపుల్ హ‌య‌తీ, మీనాక్షి చౌద‌రిల‌ను క‌థానాయిక‌లుగా ఎంచుకున్నారు. ఇప్పుడు ఓ కీల‌క పాత్ర కోసం అన‌సూయ‌ని ఎంచుకున్న‌ట్టు తెలుస్తోంది. `ఖిలాడీ`లో అన‌సూయ చంద్ర‌క‌ళ‌గా క‌నిపించ‌బోతోంద‌ని, ఈ పాత్ర మ‌రింత హాట్ గా ఉంటుంద‌ని తెలుస్తోంది. ప్ర‌స్తుతం ర‌వితేజ `క్రాక్‌`లో న‌టిస్తున్నాడు. అది పూర్త‌యిన వెంట‌నే `ఖిలాడీ` రెగ్యుల‌ర్ షూటింగ్ మొద‌లువుతంది.
