యువ క‌థానాయ‌కుడు రాజ్‌త‌రుణ్ `అంధ‌గాడు`గా ప్రేక్ష‌కుల‌ను అల‌రించ‌డానికి సిద్ధ‌మ‌య్యారు. ఏ టీవీ స‌మ‌ర్ప‌ణ‌లో ప్ర‌ముఖ నిర్మాణ సంస్థ ఎ.కె.ఎంట‌ర్‌టైన్మెంట్స్ ఇండియా ప్రై.లి. బ్యాన‌ర్‌లో రాజ్‌త‌రుణ్ హీరోగా ఈడోర‌కం-ఆడోర‌కం, కిట్టు ఉన్నాడు జాగ్ర‌త్త వంటి సూప‌ర్‌హిట్ చిత్రాలు త‌ర్వాత రూపొందుతోన్న హ్యాట్రిక్ మూవీ `అంధ‌గాడు`.  ప్ర‌ముఖ ర‌చ‌యిత వెలిగొండ శ్రీనివాస్ ద‌ర్శ‌కుడిగా ప‌రిచ‌యం అవుతున్న ఈ చిత్రాన్ని రామ‌బ్ర‌హ్మం సుంక‌ర నిర్మించారు. ఈ సినిమా జూన్ 2న ప్ర‌పంచ వ్యాప్తంగా గ్రాండ్ రిలీజ్ అవుతుంది. రీసెంట్‌గా విడుద‌లైన ఈ సినిమా థియేట్రిక‌ల్ ట్రైల‌ర్‌కు  సోష‌ల్ మీడియాలో ట్రెమెండ‌స్ రెస్పాన్స్ వ‌చ్చింది. హిలేరియ‌స్ ట్రైల‌ర్‌గా యాక్ష‌న్‌, థ్రిల్‌, రొమాన్స్ స‌హా అన్నీ ఎలిమెంట్స్‌తో సినిమా పెద్ద హిట్ అవుతుంద‌ని చిత్ర యూనిట్ కాన్ఫిడెంట్‌గా ఉన్నారు.

యూ ట్యూబ్‌, ఫేస్‌బుక్‌లో థియేట్రిక‌ల్ ట్రైల‌ర్ ట్రెండ్ అయ్యింది. అల్రెడి విడుద‌లైన ఒక రోజులోనే ఈ ట్రైల‌ర్ డిజిట‌ల్ వ్యూస్ .. వ‌న్ మిలియ‌న్ వ్యూస్‌ను క్రాస్ చేసేసింది. ఇప్ప‌టికే రెండు సూప‌ర్‌హిట్ చిత్రాల్లో జ‌త క‌ట్టిన రాజ్‌త‌రుణ్‌, హెబ్బాప‌టేల్ జోడికి, రాజ్‌త‌రుణ్, ఎ.కె.ఎంట‌ర్‌టైన్మెంట్స్ బ్యాన‌ర్‌కు  హ్యాట్రిక్ హిట్ ఖాయ‌మ‌ని యూనిట్ వ‌ర్గాలు అంటున్నాయి.

రాజ్‌త‌రుణ్‌తో పాటు స‌త్య‌, సుద‌ర్శ‌న్‌లు ఆడియెన్స్‌ను ఎంట‌ర్‌టైన్ చేయ‌నున్నారు. శేఖ‌ర్ చంద్ర మ్యూజిక్‌, బ్యాక్‌గ్రౌండ్ స్కోర్‌, రాజ‌శేఖ‌ర్ సినిమాటోగ్ర‌పీ సినిమాకు చాలా ప్ల‌స్ అవుతుంది.