పూరి జగన్నాథ్‌ సినిమాల్లో హీరోయిన్లు చాలా హాట్‌గా ఉంటారు. ఆ హాట్‌ అప్పీల్‌ అతని సినిమాల్లో ప్రత్యేకం. హీరో పాత్రలెలా డిఫరెంట్‌గా ఉంటాయో, హీరోయిన్ల పాత్రలు కూడా అంతే. అమాయకంగా కన్పించినా, డిఫరెంట్‌ మేనరిజమ్స్‌తో రఫ్‌గా కన్పించినా పూరి హీరోయిన్లలో కొత్త కోణాన్ని ఆవిష్కరిస్తాడు. అదే ఆయన ప్రత్యేకత. తాజాగా పూరి దర్శకత్వంలో రూపొందుతున్న 'రోగ్‌' సినిమాలో హీరోయిన్‌ ఏంజెలా ఇప్పుడందర్నీ ఆకర్షిస్తోంది. కన్నడ, తెలుగు బాషల్లో విడుదల కానున్న ఈ సినిమా ఎలా ఉంటుందోగానీ హీరోయిన్‌ అయితే అప్పుడే కన్నడ, తెలుగు సినీ పరిశ్రమల్లో హాట్‌ టాపిక్‌గా మారింది. 'రోగ్‌' సినిమాలో ఇద్దరు హీరోయిన్లుంటారు. అందులో ఒకరు మన్నారా చోప్రా అయితే, ఇంకొకరు ఏంజెలా. మనారా చోప్రా అందరికీ తెల్సిన అందాల భామే. తెలుగులో కొన్ని సినిమాలు చేసింది ఈ బ్యూటీ. ఇంకో హీరోయిన్‌ ఎంజెలా గురించే ఇప్పుడంతా మాట్లాడుకుంటున్నారు. స్లిమ్‌ అండ్‌ స్లీకీగా, హాట్‌ అండ్‌ సెక్సీగా ఏంజెలా అదిరిపోయే ఫీచర్స్‌తో అందర్నీ ఎట్రాక్ట్‌ చేస్తోంది. ఇషాన్‌ ఈ చిత్రంతో హీరోగా పరిచయమవుతున్నాడు. 'ఇడియట్‌' తరహాలో ఈ 'రోగ్‌' ఉంటుందట. ఫస్ట్‌ లుక్‌తోనే కన్నడ, తెలుగు ఇండస్ట్రీల్లో ఈ సినిమాని హాట్‌ టాపిక్‌గా మార్చేసిన పూరి, ఏంజెలాని కూడా హాట్‌ హీరోయిన్‌ని చేసేశాడప్పుడే.