మ‌హేష్ బాబు క‌థానాయ‌కుడిగా న‌టిస్తున్న చిత్రం `స‌ర్కారు వారి పాట`. ప‌ర‌శురామ్ ద‌ర్శ‌కుడు. ఈ చిత్రంలో ప్రతినాయ‌కుడిగా చాలామంది పేర్లు ప‌రిశీలించారు. తొలుత ఉపేంద్ర పేరు గ‌ట్టిగా వినిపించింది. ఆ త‌ర‌వాత... అర‌వింద్ స్వామిని అనుకున్నారు. ఈమ‌ధ్య‌లో.. అనిల్ క‌పూర్‌నీ ద‌ర్శ‌క నిర్మాత‌లు సంప్ర‌దించిన‌ట్టు తెలుస్తోంది. ఉపేంద్ర, అర‌వింద్ స్వామి తెలుగులో ప్ర‌తినాయ‌క పాత్ర‌లు చేసేశారు. వీళ్లు మ‌రోసారి చేస్తే కొత్త‌గా ఏముంటుంది? అందుకే అనిల్ క‌పూర్ అయితే కొత్త‌గా ఉంటుంద‌ని ద‌ర్శ‌కుడు భావించాడట.
అయితే... అనిల్ అదిరిపోయే పారితోషికం డిమాండ్ చేయ‌డంతో, ఈ ప్ర‌తిపాద‌న విర‌మించుకున్న‌ట్టు తెలుస్తోంది. పారితోషికం విష‌యంలో అనిల్ క‌పూర్ ఏమాత్రం దిగి వ‌చ్చినా - మ‌హేష్ సినిమాలో అనిల్ క‌పూర్ ని చూసేవాళ్లం. అనిల్ తో పారితోషికం సెట్ట‌వ్వ‌క‌పోవ‌డంతో, అర‌వింద్ స్వామి తో స‌ర్దుకుపోవ‌డానికి చిత్ర‌బృందం డిసైడ్ అయిన‌ట్టు తెలుస్తోంది. త్వ‌ర‌లోనే అమెరికాలో షూటింగ్ ప్రారంభం కానుంది. క‌థానాయిక‌గా కీర్తి సురేష్ పేరు వినిపిస్తోంది. త‌మ‌న్ ఈ చిత్రానికి సంగీతం అందిస్తున్నాడు.
