నేచురల్ స్టార్ నాని నటించిన 'మజ్ను' సినిమాతో హీరోయిన్ గా తెలుగు తెరకు పరిచయమైన హీరోయిన్ అను ఇమ్మాన్యూల్. తొలి సినిమాతోనే హీరోయిన్ గా మంచి పేరుతెచ్చుకున్న ఈ బ్యూటీ తరువాత రాజ్ తరుణ్ తో ఒక సినిమాలో నటించింది. ఇద్దరు యంగ్ హీరోలతో నటించిన ఈ బ్యూటీ తరువాత ఏకంగా పవర్ స్టార్ పవన్ కళ్యాణ్ తో నటించే ఛాన్స్ కొట్టేసింది.

పవన్ హీరోగా త్రివిక్రమ్ శ్రీనివాస్ దర్శకత్వంలో తెరకెక్కిస్తున్న సినిమాలో కీర్తి సురేష్ తో పాటు అను మరో హీరోయిన్ గా నటిస్తుంది. ఈ సినిమా సెట్స్ పై ఉండగానే మరో లక్కీ ఛాన్స్ కొట్టేసింది. బన్నీ హీరోగా 'నా పేరు సూర్య నా ఇల్లు ఇండియా' సినిమాలో హీరోయిన్ గా నటిస్తున్న ఈ బ్యూటీ ని, ఎన్టీఆర్ - త్రివిక్రమ్ కాంబినేషన్ లో రూపొందుతున్న సినిమాలో కూడా హీరోయిన్ గా ఫైనల్ చేసే అవకాశం వుంది. అయితే అను ఈ సినిమాలో మెయిన్ హీరోయినా లేక, మరో హీరోయిన్ కూడా ఉంటుందా అనే విషయం తెలియాల్సి వుంది.