అనుష్క‌... సౌత్ ఇండియాలోనే నెంబ‌ర్ వ‌న్ క‌థానాయిక‌. అలాంటి అనుష్క ఈమ‌ధ్య సినిమాల‌పై ఆస‌క్తి త‌గ్గించేసింది. వ్య‌క్తిగ‌త జీవితంపై శ్ర‌ద్ధ పెడుతోంద‌ని, మెల్ల‌మెల్ల‌గా సినిమాల‌కు దూరం అవ్వాల‌నుకుంటోంద‌ని ప్ర‌చారం జ‌రుగుతోంది. దానికి తోడు అనుష్క కొత్త‌గా ఒప్పుకున్న సినిమాలు లేవు. దాంతో అనుష్క రిటైర్‌మెంట్ అవ్వ‌బోతోంద‌న్న పుకార్ల‌కు బ‌లం చేకూరింది. అయితే.. ఇప్పుడు ఈ సైలెన్స్ ని బ్రేక్ చేసింది స్వీటీ.

కొత్త‌గా ఓ త‌మిళ చిత్రాన్ని ఒప్పుకుంది. విజ‌య్ ద‌ర్శ‌కత్వంలో విజ‌య్‌సేతుప‌తి క‌థానాయ‌కుడిగా ఓ చిత్రం తెర‌కెక్కుతోంది. ఇందులో క‌థానాయిక‌గా అనుష్క‌ని ఎంచుకున్నారు. చాలా కాలంగా ఏ సినిమానీ ఒప్పుకోని అనుష్క‌.. ఈసినిమాకి ప‌చ్చ‌జెండా ఊపింది. దాంతో.. రిటైర్‌మెంట్ వార్త‌ల‌కు త‌న‌కు తానే బ్రేక్ వేసిన‌ట్టైంది. ప‌నిలో ప‌నిగా రెండు మూడు తెలుగు సినిమాల్నీ ఒప్పేసుకుంటే స్వీటీ ఫ్యాన్స్ ఖుషీ అవుతారు.