మీడియాకి చురకలంటించిన అనుష్క!

By iQlikMovies - July 31, 2019 - 19:30 PM IST

మరిన్ని వార్తలు

విరాట్‌ కోహ్లీ సతీమణి, ప్రముఖ బాలీవుడ్‌ నటి అనుష్కా శర్మపై గత కొంతకాలంగా గర్భవతి అంటూ గాసిప్స్‌ పుట్టుకొస్తున్నాయి. తాజాగా ఓ ఇంటర్వ్యూలో ఆమె ఈ విషయమై స్పందించారు. ఈ ఇంటర్వ్యూలో భాగంగా మీడియాకి ఆమె కాస్త ఘాటుగా చురకలు అంటించారు. హీరోయిన్‌ని ఇంటర్వ్యూ చేయాల్సి వస్తే చాలు, పెళ్లి కాని వాళ్లయితే, మీరు ఎవరితో డేటింగ్‌లో ఉన్నారు.? పెళ్లయినవాళ్లయితే, మీరు గర్భవతా.? అనే ప్రశ్నల్ని చాలా తేలిగ్గా అడిగేస్తున్నారు. అడిగేవాళ్లకి ఈ ప్రశ్నలు సరదాగా అనిపించొచ్చునేమో.. కానీ, చెప్పేవాళ్లకు, వినేవాళ్లకు చాలా ఇబ్బందిగా అనిపిస్తాయి.

 

మీడియాలో ఈ తీరు మారాలని ఆమె ఆవేదన వ్యక్తం చేశారు. అంతేకాదు, ఇలాంటి చీప్‌ గాసిప్స్‌కి తానెందుకు స్పందించాలి..? అంటూ కస్సుమన్నారు. ఈ మధ్య అనుష్క వదులుగా ఉండే దుస్తులు వేసి, కెమెరా కంటపడుతోంది. అంతే, ఆ నేచర్‌ని ఆసరాగా తీసుకుని, అనుష్క గర్భవతి అట.. అంటూ గాసిప్స్‌ పుట్టించేశారు. ఆ విషయం ఆ నోటా, ఈ నోటా, తెగ చక్కర్లు కొట్టేస్తుండడంతో, ఎట్టకేలకు అనుష్క ఆ వార్తల్ని ఖండించింది.

 

2017లో అనుష్క, విరాట్‌ కోహ్లీని ప్రేమ వివాహం చేసుకున్న సంగతి తెలిసిందే. పెళ్లి తర్వాత కూడా అనుష్క సినిమాల్లో చాలా బిజీగా గడుపుతోంది. కెరీర్‌ ఇంత స్వింగ్‌లో ఉన్నప్పుడు ప్రెగ్నెన్సీతో ఆ స్వింగ్‌కి అడ్డుకట్ట వేయకూడదనే ఉద్దేశ్యంలో అనుష్క ఉందేమో. గతేడాది 'జీరో' సినిమాతో ప్రేక్షకుల ముందుకొచ్చిన అనుష్క, ప్రస్తుతం కొత్త ప్రాజెక్టుల చర్చల్లో బిజీగా ఉంది.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS