లేడీ సూపర్ స్టార్ అనుష్క శెట్టి తాజా చిత్రం భాగమతి గురించిన ఒక ఆసక్తికర విషయం బయటకి వచ్చింది.
అదేంటంటే- అనుష్క భాగమతి చిత్రం మొత్తంలో ఒకే ఒక్క పాట ఉందట. అది కూడా కథకి అనుగుణంగా వచ్చే పాట అట. ఈ చిత్రంలో ఒక్క పాటనే ఉన్నప్పటికీ ఎక్కువ శాతం నేపధ్య సంగీతానికి స్కోప్ ఉందట, అందుకే నేపధ్య సంగీతం అందివ్వడంలో దిట్ట అయిన సంగీత దర్శకుడు తమన్ ని ఏరికోరి మరి ఈ చిత్రానికి పెట్టుకున్నారట.
ఇదిలావుండగా ఈ ఒక్క పాటకి తోడుగా మరొక పాటని తమన్ అందివ్వనున్నాడట. అయితే ఆ పాట సినిమాలో ఉండదట, కేవలం సినిమా ప్రచారానికి మాత్రమే అంట. ఇక ఈ చిత్రం జనవరి 26న ప్రపంచవ్యాప్తంగా విడుదల కానుంది.
మొత్తానికి వేరే హీరోయిన్స్ లాగా రొటీన్ సినిమాలు చేయకుండా ప్రత్యేక సినిమాలు చేస్తూ తనకి ఉన్న గుర్తింపు కొనసాగిస్తున్నది.
