అనుష్క... ద‌క్షిణాదిన నెంబ‌ర్ వ‌న్ క‌థానాయిక. బాహుబలితో.. త‌న క్రేజ్ బాలీవుడ్ కీ వెళ్లింది. అయితే.. అనుకున్నంత స్థాయిలో ఆ హిట్ ని క్యాష్ చేసుకోలేకపోయింది. సినిమా సినిమాకీ ఎక్కువ విరామం తీసుకోవ‌డం, ఈమ‌ధ్య మ‌రీ బొద్దుగా మార‌డం, వ‌య‌సు మీద ప‌డుతుండడంతో... అనుష్క కెరీర్ మ‌స‌క‌బారిన‌ట్టు క‌నిపించింది. పైగా చాలా గ్యాప్ త‌ర‌వాత చేసిన `నిశ్శ‌బ్దం` అట్ట‌ర్ ఫ్లాప్ అయ్యింది. దాంతో.. అనుష్క ఖేల్ ఖ‌త‌మ్ అనుకున్నారంతా.
అయితే అనూహ్యంగా అనుష్క మ‌ళ్లీ ఫామ్‌లోకి వ‌చ్చేసిన‌ట్టు క‌నిపిస్తోంది. నిన్నా మొన్న‌టి వ‌ర‌కూ త‌న చేతిలో సినిమా ఏదీ లేదు. అయితే ఇప్పుడు ఏకంగా ఆమె చేతిలో మూడు సినిమాలు వ‌చ్చేశాయి. రెండు తెలుగు సినిమాల్నీ, ఓ త‌మిళ సినిమానీ అనుష్క ఒప్పుకుంద‌ట. వీటికి సంబంధించిన వివ‌రాలు త్వ‌ర‌లో బ‌య‌ట‌కు రానున్నాయి. ఇక‌పై అనుష్క.. వ‌రుస‌గా సినిమాలు చేయాల‌న్న ఉద్దేశంతో ఉంద‌ట. వెబ్ సిరీస్ ల వైపూ అనుష్క మొగ్గు చూపించ‌బోతోంద‌ని స‌మాచారం. ఇది వ‌ర‌కు యేడాదికి ఒక‌ట్రెండు సినిమాల‌తో స‌ర్దుకునేది అనుష్క.కానీ.. ఈసారి అలా కాదు. యేడాదిలో వీలైన‌న్ని సినిమాలు చేయాల‌ని భావిస్తోంద‌ట. అందుకే స్పీడు స్పీడుగా ప్రాజెక్టులు ఓకే చేసేస్తోంద‌ని తెలుస్తోంది. ఇలాగైతే.. కుర్ర హీరోయిన్ల‌కు ద‌డ ద‌డే.
