గోపీచంద్‌ మలినేని దర్శకత్వంలో తెరకెక్కుతోన్న సాయి ధరమ్‌ తేజ్‌ కొత్త సినిమా 'విన్నర్‌'. ఈ సినిమాలో రకుల్‌ ప్రీత్‌ సింగ్‌ హీరోయిన్‌గా నటిస్తోంది. ప్రచార చిత్రాలతో ఇంట్రెస్ట్‌ క్రియేట్‌ చేస్తున్నాడు సాయి ధరమ్‌ తేజ. కొత్త కాన్సెప్ట్‌తో ఈ సినిమా తెరకెక్కుతోంది. వినోదంతో పాటు మంచి విషయం ఉన్న సినిమా ఇది. అయితే ఈ సినిమాలో స్పెషల్‌ సాంగ్‌ కోసం బుల్లితెర యాంకర్‌ అనసూయని తీసుకున్న సంగతి తెలిసిందే. అనసూయ, సాయి ధరమ్‌తో కలిసి అదరిపోయే స్టెప్పులేసిందట. గతేడాది అనసూయ హవా బాగానే సాగింది. కింగ్‌ నాగార్జున హీరోగా వచ్చిన 'సోగ్గాడే చిన్ని నాయనా' సినిమాలో కొన్ని సీన్స్‌తో పాటు ఓ సాంగ్‌లో చిందేసింది. నాగార్జునతో బాగానే రొమాన్స్‌ చేసేసింది. అప్పటి నుండీ ఐటెం సాంగ్స్‌ అన్నా, స్పెషల్‌ సాంగ్స్‌ అన్నా అనసూయ చిందేయడానికి రెడీగా ఉంది. అయితే అనుకుంటే ఆఫర్స్‌ వచ్చేయవు కదా. ఇప్పుడు విన్నర్‌లో వచ్చిన ఈ ఆఫర్‌తో మెగా కాంపౌండ్‌ని టచ్‌ చేసే ఛాన్స్‌ అనసూయకి దక్కింది. అందుకే ఈ సాంగ్‌ తనకి స్పెషల్‌ అంటోంది. ఇక సినిమా విషయానికొస్తే, ఈ సినిమాలోని పాటలు 'ఖైదీ', తరహాలోనే ఒక్కొక్కటిగా ట్విట్టర్‌లో విడుదల చేస్తున్నారు. ఫస్ట్‌ సాంగ్‌ని మహేష్‌బాబుచే రిలీజ్‌ చేయగా, సెకండ్‌ సాంగ్‌ని సమంతచే విడుదల చేశారు. తాజాగా మూడో సాంగ్‌ని యంగ్‌ మ్యూజిక్‌ డైరెక్టర్‌ అనిరుధ్‌ తన ట్విట్టర్‌ ద్వారా విడుదల చేస్తున్నారు. ఈ రోజు సాయంత్రం ఈ సాంగ్‌ని అనిరుధ్‌ తన ట్విట్టర్‌ అకౌంట్‌ ద్వారా రిలీజ్‌ చేయనున్నారు.
